♡︎البارت الرابع♡︎

1510 Words

صفيه كانت بتحاول تاخد نفسها وقالت: الحقي يـَ ست بسمة عم جابر تعبان جوووي وعايزك تروحيله بسمة: اي!!!!!!! " دخلت غيرت هدومي بسرعه وخرجت أنا ومالك و صفية روحنا البيت" بسمة: ابوي!!! " اول ما دخلت لقيت ابويا واقع علي الارض وأم صفيه بتعيط " ام صفيه: سامحي يـَ بنتي ربنا يصبر قلبك بسمة: اسامحه علي اي بس يـَ خاله تعالي يـَ مالك تعالي ننقله علي المستشفي تلاجيه مأخدش الدوا في معاده عشان كده اغمى عليه أنا عارفه الحركات دي كان لازم يوقع قلبي أنا وأمي معاه يلا يـَ مالك " مالك اتحرك نحيه عم جابر وقاس نبضه وبص لبسمة بنظرة اتمنت لو انها مفهمتهاش " بسمة: لا لا انتَ شكلك مش عارف تقيسه صح اوعى أنا هقيسه " مالك قام من جنبه ومنع بسمة أنها تقرب منه " بسمة: بس اوعى انتَ بتعمل اي خلينا ننقله علي المستشفي هنقدر نلحقه أنا متاكده كل مره بيعمل كدا هو بس عايز يقلقني عليه عشان زعلانه منه بس وبيعمل كدا عشان اصالحه خلينا نودي المستشفي عشان اقوله اني مش زعلانه منه مالك: البقاء لله هو في مكان احسن من هنا بكتير صدقيني بسمة: لا انتَ بتقول أي مش معقول انتَ كداب مش معقول يسيبني هو كمان مش معقول يمشي هو كمان ويسيبني لوحدي " نفسي ابتدى يروح الدنيا ابتدت تدور النور اختفى " _______________________________________ " فتحت عيني لقيت نفسي في اوضتي القديمه خرجت لقيت ستات كتير لابسين اسود والقرآن شغال ذكري وفاة امي اتعاد قدامي تاني نفس الناس كانوا لابسين نفس اللون دخلت اوضتي تاني عشان اهرب من نظرات الحزن والشفقه اللي كنُت بشوفها في عيون كل اللي جم يعزوني ....دقايق و سمعت الباب بيخبط" بسمة قالت بصوت مبحوح: ادخل صفيه: بصي جبتلك اي المكرونه بالبشاميل اللي بتحبيها عمايل ايديا بسمة: تسلم ايديك يـَ صفيه بس انا مش عايزه اكل حاجه من فضلك عايزه افضل لوحدي صفيه: بس .... بسمة: عشان خاطري " صفية خرجت بصنيه الاكل منغير متقول كلمه زيادة هي مش عايزه تتضغط عليها وقفها مالك " مالك: رفضت تاكل بردو صفية:اه ....بسمة في حاله غريبه قوي يـَ سي مالك أنا لما دخلت عليها اتوجعت الاقيها بتعيط لكن هي كانت هاديه وساكته ودا جلاجني اكتر يـَ بيه " مالك سحب صينيه الاكل من صفيه وراح لاوضة بسمة واخد نفس طويل وخبط علي الباب ودخل" بسمة: صفيه قولتلك عايزه اقعد لوحدي اطلعي برا عشان خاطري مالك: أنا كمان اطلع برا " كنت قاعدة وضهري للباب عشان كدا ماشوفتش مين اللي دخل ولكن أتوقعت أنها صفيه داخله تقعد معايا عشان تواسيني اول ما سمعت صوته قومت من مكاني " بسمة: لو سمحت أخرج برا مش عايزه اشوف حد " حط الصينيه علي المكتب اللي كان في الاوضه وقرب مني وقال" مالك: وانا حد يـَ بسمة ... انا جوزك " قومت من مكاني بعصبيه وقولت" بسمة: جوزي هه جوزي بالأجبار أنا واحده اتغصبت علي الجوازة دي زيك بالظبط وهيجي عليك يوم هتحب واحده وتتجوزها وانا هبقي زي اي اثاث في البيت مالوش لازمه ومش هيبقي ليا حق اتكلم لان دا حقك من الاول انك تتجوز واحده بتحبها " قرب اكتر أتوقعت أنه هيضربني لكن اتفاجأت بيه هو بيشدني لحضنه اول دخلت في حضنه سمحت لدموعي بأنها تنزل فشلت في اني أوقفها" بسمة: أنا خايفه اوي أنا بقيت لوحدي متسبنيش أنا مبقاش ليا لا ضهر ولا سند أنا مبقاش ليا امان خليك جنبي متسبنيش أنا مبقاش ليا حد في الدنيا مالك طبطب عليها وقال: وانا روحت فين أنا سندك وضهرك أنا أمانك أنا جنبك مش عايزك تخافي من حاجه " مالك بعدها عنه وقعدها وقعد جنبها" مالك: مامتك و باباكي اي اكتر حاجه كانوا عايزينها من الدنيا ؟ بسمة: اني ابقي مبسوطه مالك طب وأنتِ هتبقي مبسوطه ازاي؟ بسمة: لما أحقق حلمي وابقي دكتورة مالك: يبقي لازم تحققي حلمك عشان تبقي مبسوطه عشان يرتاحوا ولا أنتِ مش عايزهم يرتاحوا بسمة: لا طبعا عايزهم يرتاحوا مالك:بس يبقي لازم ترجعي تقفي علي رجليكي تاني وتكملي في طريقك عشان تحققي حلمك الموت علينا حق ربنا سبحانه وتعالى قال في كتابه الحكيم ﴿ كُل نفس ذائقه الموت﴾ كلنا هنموت دي سنه الحياة منقدرش نمنعها زي بردو منقدرش نمنع حزننا علي الشخص اللي مات بس لازم نكمل حياتنا لأن الحياة مش هتقف علي حد اتفقنا بسمة: اتفقنا مالك: تعالي بقا أما نشوف المكرونه اللي عملتها صفيه بتقول أي _________________________________________ تاني يوم " روحت البيت بعد إصرار من مالك أن مباتش في بيت اهلي تاني عشان متعبش بس البيت دا هو الحاجه الوحيده اللي اتبقتلي منهم ....روحت البيت ودخلت اوضتي عشان اغير هدومي سمعت الباب بيخبط لما خرجت لقيت مالك فتح الباب و خاله ام صفية هي اللي جت اول لما شافتني خدتني في حضنها وبعدين قعدت وقعدتني جنبها " ام صفيه: ابوكي الله يرحمه قبل ما يموت اخر حاجه نطقها كان اسمك قالي قوليلها تسامحني ومتزعلش مني قوللها اني مكنتش الاب اللي هي بتتمنى بس عرفيها أني بحبها دي بنتي و اول فرحه شافتها عيني خليها تسامحني ومتزعلش مني بسمة: اسامحه علي اي يـَ خاله ابويا معملش حاجه دا نصيبي ومكتوبلي أنا مسمحاه ومش زعلانه منه والله " قربت مني وباست راسي وقالت" ام صفية: أنا لازم امشي دلوقتي بس انا موجوده علي طول أنا زي امك أما تحتاجي حاجه تعالي بسمة: حاضر " روحت معاها لحد الباب عشان اوصلها اول لما خرجت وقفلت الباب لفيت لمالك اللي كان واقف ساكت طول المده اللي هي جت فيها وبحركه لا أراديه مني لقيت نفسي بدفن نفسي في حضنه وبعيط " بسمة: أنا والله بحبه عمري ما كرهته دا مهما عمل يفضل ابويا أنا بس كان ليا عتاب عليه بس مش اكتر أنا بحبه اوي اويي مالك طبطب عليها وقال: ادعيله كتير ادعيله ربنا يرحمه " علي قد صعوبه الابتلاء ربنا بيدينا القوة علي تحمل الابتلاء دا ...عدت ايام وشهور علي وفاة ابويا مازال لسه جوايا حزن عليه ولكن زي ما مالك قال الحياة مش بتقف حاولت اقف علي رجلي تاني واعمل الحاجه اللي بتخليني مبسوطه ...ابدت امتحاناتي مالك كان معايا في كل خطوة في حياتي كان دائما بيساعدني كل ما احس اني مش هقدر اكمل وأضعف كان بيشجعني ويقومني يوقفني علي رجلي تاني .... دائما اختيار ربنا افضل من اختيارنا بكتير لو مالك مكنش في حياتي دلوقتي أنا معرفش حالي كان هيبقي عامل ازاي كنت هبقي لوحدي معنديش حد ولكن ربنا بعته ليا عشان يبقي ونس لقلبي و قوه ليا وحضنه يبقي ملجأي ...اخر يوم في امتحاناتي كنت مبسوطه اخيرا بعد تعب خلصت ...كنت في طريقي للبيت ولكن لفت انتباهي ولد باين أنه عنده ١٠ سنين كان قاعد بيعيط قلبي مطاوعنيش امشي واسيبه روحت لحد عنده" بسمة: مالك بتعيط ليه؟ الولد: ابوي واقع علي الارض ومش لاقي دكتور يساعدني خايف لا يموت أنا ماليش حد غيره بسمة:طب هو فين أنا دكتورة اقدر اساعده " قام من مكانه بسرعه و وداني بيتهم دخلت لقيت راجل واقع علي الارض قربت منه عشان اقيس نبضه كان ضعيف والنفس كذالك شيلناه أنا و ابنه ونيمناه علي السرير واديت ابنه ورقه مكتوب فيها نوع الابره اللي محتاجها وبالفعل جابها واديته العلاج والراجل إبتدي يفوق " بسمة: حمدالله علي سلامة حضرتك الراجل: الله يسلمك هو اي اللي حصل بسمة: انتَ اتاخرت علي إبرة الأنسولين انهاردة الحمدلله اني لحقتك في الوقت المناسب وإلا كنت دخلت في غيبوبه الراجل: متشكرين حسابك كام يـَ دكتورة بسمة ابتسمت بهدوء وقالت: علي الله أنا مش عايزه فلوس عايزه من حضرتك بس تنتبه علي صحتك انت مشوفتش حاله الولد كانت عامله ازاي لولا مكنتش عرفت أنك تعبان ربنا يحفظهولك يارب الراجل: كتر خيرك يـَ دكتوره ربنا يباركلك يارب ويسعدك " خرجت من عندهم كنت فرحانه اوي اني ابتديت اول خطوة في تحقيق حلمي اني اعالج الناس الغلابه ببلاش كفايه الدعوه الى هيدعولي بيها .....رجعت البيت ومالك كان لسه في شغله حضرت الاكل لحد ما يجي وكنت متحمسه اوي أني احكيله ....الساعه بقيت ٩ بليل اخيرا جيه ولكن كان باين علي ملامحه التعب قعد اكل ودخل نام منغير ما يقول كلمه ولأنه كان تعبان أنا مقدرتش احكيله حاجه " ______________________________________ تاني يوم " كنت نايمه وصحيت علي صوت حد برا بيتكلم بصوت عالي خرجت برا الاوضه لقيت مالك وحماتي واقفين والصوت العالي دا كان صوتها " بسمة: صباح الخير ام مالك: اهي شرفت اهي ...وهيجي منين الخير ياخي بسمة: خير يـَ حماتي في اي مالك: استني يـَ امي انتِ كنتي فين امبارح يـَ بسمة بسمة بعدم فهم: كنت في الجامعه امبارح كان آخر يوم في امتحاناتي وانت عارف ليه ؟ مالك: يعني مكنتيش عند حامد بسمة: حامد مين ام مالك: أنتِ هتستعبطينا دا أنتِ كل الناس شافتك وأنتِ خارجه من بيته امبارح ومالهمش سيره غيرك " مكنتش فاهمة هما بيتكلموا عن حامد مين لحد ما افتكرت الراجل اللي كان تعبان امبارح " بسمة: اه اه افتكرت الراجل دا انا كنت فعلا عنده في البيت بس.... ام مالك: دا أنتِ بجحه بجاحه مالك: سيبيها تكمل يـَ امي بسمة: انا فعلا كنت عنده ...وانا راجعه امبارح من الجامعه لقيت ولد بيعيط ولما روحت سألته مالك قالي أن باباه تعبان وخايف لايكون مات خوفت لاني اكتر واحده عارفه احساس انك تفقد حد من أهلك فا روحت معاه والراجل كان مغمى عليه فعلا عالجته وجيت علي هنا علي طول والله العظيم هو دا اللي حصل مالك: ومقولتيش الكلام دا امبارح ليه ؟ بسمة: يـَ مالك انت كنت راجع تعبان وانا قولت هحكيلك انهاردة تكون ارتاحت ام مالك: أنا قولتلك بطل معاملتك الطيبه دي معاه دي متستاهلش وادي اخرتها حطت راسنا في الطين وخلت سيرتنا علي كل لسان ...اجتلها يـَ ولدي وخلصنا من العار الي جابتهولنا مالك: عندك حق يـَ امي بسمة: اي... يتبع ..... - بسملة محمود

Free reading for new users

Scan code to download app

App Store Google Play

Facebookexpand_more