Ito ang unang araw ng kanilang paglipat ni Chanylle sa bagong bahay na nabili ni Roger. Naninibago siya. Parang hinahanap-hanap niya ang ambiance ng kanyang kwarto noong nasa bahay pa siya ng kanyang mga magulang.
Kasalukuyan siyang nasa kwarto nila ni Roger. Wala siyang magagawa dahil isang kwarto lang mayroon ang bahay na binili ni Roger, pero malaki iyon para sa kanilang dalawa. Ang akala pa naman niya ay hindi sila maaaring magsama sa iisang kwarto.
Alas sais na ay hindi pa rin siya nakakapagluto ng hapunan at hindi pa siya bumababa. Hindi kasi niya alam ang gagawin. Hindi siya marunong magluto.
Ngunit sa bandang huli ay napagpasyahan niyang bumaba at magtungo sa kitchen. Siguro ay kakailanganin niya lamang maghanap online na recipe para sa kanyang lulutuin. Mabilis siyang naghanap
