Sa wakas nakalabas na rin ng hospital ang kanyang daddy Vergel. Laking pasasalamat iyon ng dalaga. Inalagaan niya ang kanyang ama. Ang plano ng dalaga ay manatili muna siya sa poder nito kahit isang linggo lang upang maalagaan ng maayos ang ama dahil ang kanyang Tita Rita ay abala sa pag-aasikaso ng kanilang negosyo. Samantalang si Roger ay nagbabalak ng bumalik ng maynila. Nakahinga naman ng maluwag ang dalaga dahil sa isiping iyon.
“I’m sorry, Roger. Sa ngayon hindi ka na muna namin papayagan na bumalik doon. Hindi ka ba naaawa sa kalagayan ko?”
Isang malakas na buntong-hininga ang pinakawalan ni Roger.
“What kind of question is that dad? Of course naaawa ako. Marami lang akong dapat asikasuhin alam niyo naman po kung anong negosyo ang mayroon ako doon, dad.” mahinahon na wika ni Ro
