Chapter 10 - Uljhan
227 Words
Hamza ke izhaar ke baad 3 din guzar gaye.
Ayesha college aa rahi thi lekin Hamza nazar nahi aa raha tha. Na koi message, na call.
"Shayad us ne afsos kiya ho" Ayesha ne socha.
Library mein baithi thi ke peechay se awaz aayi "Kahan ghaib ho?"
Hamza tha. Lekin pehle jesa nahi. Thora khamosh, thora door.
"Main theek hun" Ayesha ne kaha.
"Main bhi" Hamza ne jhoota sa muskuraya.
Dono ke darmiyan ajeeb si khamoshi thi.
Shaam ko Ayesha ko Shazab ka message mila. "Please milo. Main ne sab theek kar liya hai. Ghar wale maan gaye hain"
Ayesha ka dil kaanpa. Ek taraf Shazab... us ki pehli mohabbat. Dosri taraf Hamza... jis ne usay andhere se nikala.
Raat bhar Ayesha so nahi saki. Diary ke 2 panne khol kar rakhe.
Ek par Shazab ki purani tasveer.
Dosre par Hamza ke saath chai ki cup ki nishani.
"Main kya karun?" Ayesha ne khud se poocha.
Agla din tha. College ke gate par 2 log kharay thay.
Ek taraf Shazab haath mein gulab liye.
Dosri taraf Hamza khali haath, bas nazron mein umeed liye.
Ayesha beech mein khari thi.
Dil keh raha tha "Shazab ko mauka do"
Zameer keh raha tha "Hamza ne tumhara saath diya hai"
Ayesha ne kadam uthaya... lekin kis taraf?
Kya Ayesha purane zakhm ko maaf karegi?
Ya nayi shuruat ko apnaayegi?
---
- Writer
