Mga Kawikaan 21:2
"Ang bawat pamamaraan ng tao ay maaaring tama sa kanyang paningin, ngunit si Yahweh ang sumusukat ng mga puso."
*****
Stephanie
"Babe,quick. Let's go," Ani ni Carl sa sala ng aking condo. Nauna siyang nakabihis at ako na lang ang hinihintay niya papuntang Airport.
"Yah coming."
Mabilis kong pinatay ang ilaw ng aking kwarto saka lumabas bitbit ang aking maliit na backpack. Nakasuot ako ng itim na short na palda na hanggang tuhod ang haba at tops na sleeveless white blouse. Pinaresan ko ng itim na rubber shoes para komportable sa paglalakad. May dala rin akong black blazer sa aking backpack.
Pagdating ko ng sala ay nakatayo na si Carl sa may tabi ng pinto. Ako na lang talaga ang kulang para makaalis na. Tumingin ako sa mukha ni Carl at titig na titig pala sa akin.
