Chapter Forty-two
"Ma'am, delivery po," nagbibilang ako ng pera sa kaha ng katukin ng rider ang sliding window ng tindahan. Kung dati'y napapaiktad ako sa gulat sa tuwing may mga lalaking lalapit ng tindahan... ngayon ay normal na lang.
"Ha? Wala naman akong expected delivery today... kay Prim ba iyan?"
"Sa inyo po, ma'am. Bayad na po ito at ire-receive na lang," takang-taka ako sa ibinabang bike. Yes, kahit may balot pa iyon ay obvious namang bike iyon na pambata.
"Bayad na? Nakapangalan sa akin?" naninigurong ani ko.
"Yes po." Pinag-isipan ko kung lalabas ako. Pero sa huli'y lumabas na rin ako.
"Kanino ito galing?" takang-taka na ani ko. Tinignan nito ang papel na hawak. May binasa ito roon bago sinabi sa akin.
"Sa pinakagwapong kapitbahay mo raw, ma'am," nangiti pa si Kuya.
