Kabanata 56
S U N N Y
Nagsimula ang tournament sa bansa at natuloy na din ang pamilya ni Silver pa-ibang bansa. Sumama ako nang ihatid niya ang mga ito sa airport. Tulad ng sinabi niya sa akin, nagpaiwan siya dito sa Pilipinas para hinatayin ako. Pagkatapos ng tournament na ito ay sabay na kaming aalis ng bansa para sumunod sa mga pamilya namin sa US. Saktong-sakto dahil ang bahay na nabili nila ay malapit lang din sa bahay ng parents ko kaya paniguradong lagi pa din kaming magkikita ni Silver kapag doon na kami nakatira. Baka nga sa kanila pa din ako tumambay ng madalas.
Hindi ko lang maiwasang isipin ang mga naging kaibigan ko na din dito. Maiiwan ko sila ng hindi man lang nila nalalaman ang totoong katauhan ko. Kung sino talaga ako. Mabuti pa si Alistair… Alam niya kung sino ako. Kil
