Kabanata 54
S U N N Y
“Siya nga pala, nabanggit ni Mommy kanina na may kasama ka daw papunta sa hospital? Sino sa limang–” Tumikhim ako bago nagpatuloy. “... ang tinutukoy ni Mommy na kasama mo?”
Natigilan ako sandali at naalala ang nangyari kaninang madaling araw. Hanggang ngayon hindi pa din ako makapaniwalang totoo ang lahat ng iyon. Alam na ni Alistair na babae ako pero hindi man lang siya nagalit sa akin at hindi niya din ako sinumbong. Parang isang panaginip lamang iyon.
“Oo nga pala. May sasabihin ako sa’yo.” Nakangiti at excited na sabi ko. Kumunot ang noo niya at tiningnan lamang ako, naghihintay sa sasabihin ko.
“Alam na ni Alistair ang totoong pagkatao ko. Pero alam mo kung anong maganda doon? Hindi siya nagalit sa akin at wala siyang balak na isumbong ako sa management. An
