Lorraine's POV
Sasagutin ko sana ang seryosong tanong niya sa akin ngunit bigla namang nag-ring ang phone niya. At ng makita kong si Doc. Gina ang tumatawag ay nagmamadaling sinagot ko ito.
"Hello, Doc. Gina?"
("Ate?")
Nang marinig ko ang boses ni Neneng ay tumulo agad ang luha ko. Miss na miss ko na agad ang kapatid ko. Kung noon ay nakikita ko siya weekly, ngayon ay mukhang aabutin pa ng ilang buwan bago ko siya muling makita.
"H-hello, Neneng! Miss na miss ka na ni ate!" Saad ko sa pinasigla kong boses kahit na medyo nababasag na ito dahil sa pigil kong pag-iyak.
("Miss na miss na din kita, Ate! Kamusta ka na dyan? Ako, heto! Makakauwi na rin sa wakas!") Masayang balita niya. Napangiti ako ngunit patuloy pa rin ang pagtulo ng luha ko.
"Masaya ako para sa'yo, neneng! Sa wakas
