Chapter Forty Eight
Habang lumalapit ang araw ng kasal ay tila lalong kinakabahan si Yoko. Dalawang araw na lang bago ang kasal nila, at hindi na muna sila nagkikita ni Travis dahil ayon sa pinaniniwalaang pamahiin ng mga matatanda, dapat sa mismong kasal na muli magkita ang magiging mag-asawa.
Inis na inis nga si Travis sa kanya. Dahil kahit sa videocall ay ayaw niyang magpakita. Nagpa-massage at footspa rin si Yoko kasama ang mga magulang nito. Nakatulog pa ang Papa niya at naghilik habang minamasahe. Tawa tuloy nang tawa ang mag-ina sa kanya.
Nagpa-facial pa si Yoko, at nagpa-wax pa ng underarm. Inggit na inggit pa nga si Travis. Gustung-gusto nitong sumama sa kanila. Pero hindi pwede. Ayaw rin pumayag ng Papa ni Yoko dahil bawal nga silang magkita.
Sumapit ang araw ng kasal nila
