Chapter Fifty
Na-discharge na kinabukasan si Yoko mula sa ospital. Umuwi sila sa condo ni Travis at doon na tuluyang nagpagaling. Unti-unti na rin namang naghilom ang mga galos ni Travis. Hindi naman din niya ininda ang mga 'yon. Ni hindi nga niya napansin noon na may mga sugat din pala siya. Masyadong naka-focus ang atensyon niya noon sa duguang asawa.
Napag-usapan nila na hindi muna babalik si Yoko sa trabaho niya sa Australia. Mag-e-extend ito ng dalawang linggo sa Pilipinas at kapag nasiguro na nila mula sa Doktor na talagang magaling na ito at malayo na sa peligro o ano pa man, saka lang papayag si Travis na bumalik itong muli sa trabaho.
Wala naman nang masakit kay Yoko. Naniniguro lang si Travis na walang biglang mangyayaring masama sa kanya habang nasa malayo siya. Nauunawaan
