الفصل الخامس

3389 Words

ديجا : THANKS بجد غيث :و لا يهمك يالا عشان صحابك مستنيينك خرجت ديجا و غيث و كان اصدقائها وائل : انتي فين يابت عمالين نرن عليكي ديجا :خلاص يا Bro محصلش حاجة كنت بعمل حاجة مهمة هتعرفوها لما انزل الفيديو الجديد ايتن بياس :عارفة انا مش هسالك معروف انك بتختفي مرة واحدة محدش بيعرف عنك حاجة ديجا :طبعا دانا الديجا جو :طب يالا يا ديجا عشان شلة الكلبوبات جاية ديجا بملل :اووف بقا شاكي و نظرها مصوب علي غيث :هاي ديجا ديجا بلامبالاة :هاي شاكي شاكي بدلع مقزز :كدة يا غيث متجيش الكافيه زي ماتفقنا غيث ببتسامة صفرا :مرة تانية كنت مستعجل شاكي : لازم نتقابل طب بص هات الانستا بتاعك بدام مش معاك رقم غيث :لا ديجا بضحكة مكتومة : بوم اين هي الجبهة انا لا اراها كاد غيث ان ينفجر ضاحكا و لكنه ضبط نفسه بصعوبة ذهبت شاكي و شلتها باحراج و غضب غيث :اظن نمشي بقا ديجا :تمام ركب الجميع في السيارة : ديجا :انت مبتحبش الكلبوبات زيي غيث :ايوا الكلبوبات ايه بقي الكلبوبات دي ديجا :قشطات بص هقولك تصنيفاتهم غيث :و ياتري بقا التنصنيف ده عالمي ديجا :طبعا انت مدخلتش تو بي لادي قبل كدة غيث :اكيد لا طبعا هخش تو بي لادي ليه انا انا هدخل تو بي مان ديجا :الله طب دخلني فيه غيث :ليه هو انتي مان انا قولتلك دخليني فتو بي لادي ديجا بتساؤل و حيرة :انت بتهبد مفيش جروب اسمه كدة غيث :نسيب بقا الموضوع الاساسي و نمسك ففي جروب كدة و لا لا ديجا : اوكي خلاص ساكينول غيث :ايه ديجا :ساكينول غيث :بمعني ديجا:اهدي بالتركي بص اتعود انا بحب التركي جدا تمام غيث :كملي ايه هو التصنيف ديجا :؛اه فكرتني بص بقا الكلبوبات دول ليهم تصنيفات يعني اولا كلهم مستفزات ممحونات غيث بتساؤل :يعني ايه ممحونات ديجا :لا يا ربي بجد حتي دي مش عارفها بس يعني بيحبوا علي نفسهم و مسهوكين و تافهين غيث :اه قولتيلي تافهين ديجا :يعني بص انا اقولك اللي هما بقا لو شافوا ولد معضل بقا و فورمة و كدة شبهك يعني كدة يفضلوا بقا يقولوا هيييح و يكراشو عليك و كدة زي الاخت شاكي بص اللي هو تحسن انهم Make you vomit??? انت مش مصدقني دول بيروحوا لبنان يعملوا خدود و بوت** و فيلر و كمية عمليات تجميل و سيلكون اد كدة تحسنهم صناعيين اصلا مش طبيعيين و في منهم انا و خطيبي و في منهم الكلبوبة العادية اللي لما تتخطب هتتصنف تبع انا و خطيبي يعني مثلا اللي مخطوبة منهم لازم كل الصور تلاقي صباعها بس اللي باين في الصورة و لو قولتلها عاملة ايه تقولك انا و خطشيبي كويسين و طول ماهي قاعدة تفضل خطيبي عمل خطيبي سوا خطيبي بيحبني مبتقولش اسمه لا هو تصنيفه عندها اسمه خطيبها مينفعش احمد محمود او حتي زينهم و لا سيد و تلاقيها كانت الاول هي و شلتها عاملين جروب علي الواتس اب اللي سنجل زينا نقوله يا عمنا و اول ما تتخطب تخرج من الجروب و تدخل جروب تاني لشلة كلبوبات تانية اسمه شلة المخطوبين و تلاقيها فخطوبتها فاكراه عيد ميلاده تلبس الخاتم من هنا و اكنها خلاص انا واحدة بقيت مخطوبة يعني مش باقية عالدنيا و تقوم بقا تهدها رقص اكنه عيد ميلادها مش خطوبتها و تلاقيها تفضل لمدة شهرين بعد الخطوية تنزل فاستوريز صور الحضوبة و صورة ايديها هي و خطيبها بالدبل و تنزل فاشعار و بعدين في حالتين يا بتفركش ياما بتكمل تمام ده اول تصنيف التاني بقا اللي هما تحس ل**نهم متعو لا بص متلفت قصدي معووج غيث :لا يابت و انتي ل**نك مفرود اوي ازاي يعني معووج ديجا : بيتكلكموا كدة (بتقلد صوت مضحك عارفينه صوت الكلبوبات ده )اللي هو اكيد يعني معلموهاش و هي صغيرة انها تقول آلف او مآمآ غيث :اه ماجدة يعني ديجا :ماجدة مين غيث :الممثلة ماجدة اللي اخترعت السهوكة فمصر ديجا :لا معرفهاش دي ممثلة جديدة و لا قديمة غيث :"ماتت الله يرحما بقا ديجا : و بعدين متفهمش طب دول بصلوا ازاي يعني مثلا بيقولوا ساميعا الله ليمن حاميده اللي هو حبيبتي ده رابينا ممكن يسخطك قردة غيث : وانتي بتصلي يا ديجا ديجا :طبعا انت عايز ديجا تخش النار و تتلسوع غيث :انا الصراحة مش فاهم ايه حكاية اللسوعة معاكي ديجا بتجاهل لحديثه :و بعدين الدنيا تبقي بتشتي انت بتعمل ايه غيث :بشرب سحلب او باكل كوارع ديجا :ييع بس بغض النظر تلاقيها منزلة ستوري المطر غيث : و بعدين ديجا و بيحطوا رياكتا المطر اللي هو ايوة ماله غيث :و انتي بتعملي كدة ديجا : لا بس بعد كدة هكتب الغيث هههههههه نظر لها غيث بصدمة يحاول استيعاب ما قالت بينما انفجر السائق بالضحك و لم يستطع كتم ضحكاته اكتر من ذلك اكملت ديجا غير مهتمة بصدمته : و بعدين تلاقيها منزلة بقا الصبح صورتها اول ما تصحي و تكتب مورنينج عليكوا و صورة قبل ماتنام نايت يا جماعة غيث :وانتي بقا تصنيفك ايه ديجا :تؤ تؤ تؤ الديجا مالهاش تصنيف هي حاجة وحدة بس فالكون كله لا جاه قبليها و لا هيييجي بعديها غيث :ايه الغرور ده ديجا بمرح :ده مش غرور ده تكبر و تعالي انفجر السائق في الضحك للمرة الثانية ديجا :عجبتك يا عمو تاخد تشوكلت محمد : شكرا يا بنتي ديجا : انت بتخاف وزنك يزيد محمد بضحك : لا يا بنتي غيث :بس اعم محمد متبصلهاش سيبك منها ديجا :تاكل تشوكلت عادي اوعي يكون عندك امراض او كده محمد : لا الحمد لله يا رتني كنت انا اللي تعبان ديجا بمرح : طب خد شوكلت طالما معندكش امراض غيث بحده : ما كفايه بقا ديجا بحنق : عارف يا عمو ده شخص قاتل للمرح اووف غيث : اوف عليكي قاطع حديثهما صوت هاتف غيث وكانت والدته غيث بقلق : ايوه يا ماما في حاجه انتي كويسه نبيله : لا يا حبيبي مجتش ليه اوعي يكون عندك مهمه ومخبي غيث : لا يا ست الكل شويه وهاجي نامي انتي نبيله : لايا حبيبي هستناك نتعشي سوا غيث: طيب ساعتين و جاي واغلق المكالمه التفت لديجا وجدها تضع الاير بوتس باذنها و تصنع حركات غريبه بوجهها وترتدي النظاره وتخلعها بحركات غريبه مضحكه جدا غيث باسغراب : انتي بتعملي ايه ولكن لا حياه لمن تنادي غيث بحده ظنا منه انها تتجاهله : انا بكلمك ولكنه وجدها ترفع يدها وتنزلها بحركات غريبه وتقول اوه يااه ثم تحرك راسها يمنيا ويسارا بعنف فيتناثر شعرها بعنف علي وجهه غيث وهو يخرج شعرها من انفه وفمه : يا اخي ملعون ابو دي مهمه محمد : يضحك بعنف التفتت له ديجا بعدما انهت فيديو التيك توك الخاص بها ديجا : هو احنا هنوصل امته غيث وهو يجز علي اسنانه بعصبيه : انا استحملتك كتير ودي حاجه ع** طبيعتي ديجا : مالك يا مطروتي هو انا عملت حاجه بس غيث : عارفه كنت ناوي اعملها بطريقه علميه بس بعد مطروتي دي انتي اضطرتني لكده و يمسك وجهها بين يديه ديجا : ايه يا سطا اهدي مالك لم تكمل كلامها وكان غيث صدم راسه براسها ديجا بهزيان : يا طيب الجلب وينك ويغمي عليها محمد لغيث :و الله طيبة يا باشا و غلبانة اماء له غيث دون كلام و اسند راسه علي ظهر الكرسي وصلت السيارة منزل ديجا فحملها غيث و صعد بها لغرفتها و نزل مرة اخري غيث :محمد باشا انا ماشي و الحراسة برة متقلقش محمد :شكرا يا غيث تعبناك معانا يابني غيث : مفيش شكر ياباشا اد*ك قولتها بنفسك يابني استاذنك انا محمد :اتفضل ربنا ييسرلك طريقك غيث :يارب السلام عليكم خرج غيث و ركب سيارته و ذهب الي منزله كانت الساعة الثانية عشر و النصف بعد منتصف الليل غيث :السلام عليكم يا قلبي نبيلة بحب :و عليكم السلام يا حبيبي تعالي سلم علي ريهام جات تف*جني علي صور خطوبتها غيث :اهلا يا انسة ريهام الف مب**ك اخبارك ايه رهام :الله يبارك فيك يا غيث و انا الحمد لله انا و خطيبي كويسين غيث لامه :ماما انا داخل اغير معلش حضريلي الاكل نبيلة :حاضر يا حبيبي دخل غيث غرفته و بدا بتبديل ملابسه و سمع ماجعله ينفجر بالضحك فكانت جارتهم المدعاة بريهام تقول لوالدته ريهام بصوت (الكلبوبات) :عارفة خطيبي يا طنط خرجني بعد الخطوبة روحنا سان نبيلة: ربنا يهنيكوا يا حبيبتي ريهام :احيه بجد خطيبي بيحبني جدا و خدني امبارح روحنا اتغدينا فماك غير كدة خطيبي الحمد لله بيحبني جدا غيث في غرفته و هو تكاد ان تنقطع انفاسه من كثرة الضحك :اه ياما كلبوبة لا بصحيح كلبوبة اهو النوعية دي ميطحطوش غير تحت بند الكلاب فعلا قال انا و خطيبي كويسين داهية تاخدك انتي و خطيبك ههههههههه اليوم التالي الساعة السادسة صباحا يرن منبه ديجا بمقطع طب خلي بالك من الواد انا نازل يا سعاد اجبله شوكالاتة و اقله تاتة تاتة الواد بيعيط ليه يا سعاد الواد زعلان كدة ليه يا سعاد استيقظت ديجا : اه يا دماغي امممم معلش يا ديجا انا هوريه عشان يضايقك اه دماغي يا بابتي اههه قامت ديجا بعمل ماسكاتها كالعادة و قامت بعمل رياضتها و نزلت لكلبها و لعبت معه ثم وضعت لعصافيرها الطعام الساعة السابعة و النصف وصل غيث غيث :هرن عليها يارب تلحق بس كانت ديجا تجلس و تلعب بابجي و رن هاتفها برقم خاص فاغلقت المكالمة حتي لا تخسر غيث :انا قولت نايمة بس انا هصحيها رن مرة اخري و اخري و غيث :دي اخر مرة هرن بعد كدة هطلع اجبها من قفاها ديجا بنفاذ صبر : ايوة يا غيث غيث برفعة حاجب :و عرفتي منين اني غيث ديجا :مش محتاجة ذكاء انت ظبوطة كبير اكيد رقمك هيبقي برايفت يعني و وممكن تقفل بقا عشان بلعب بابجي و بسببك هخسر غيث :طب خلصي عندك كلية ديجا :مانا عارفة و صحيت و عملت الديلي روتين بتاعي ساعة و هلبس غيث :انتي عندك محاضرة ساعة دي اللي هي تلات ساعات ديجا :لا انا عندي محاضرة و بمشي علي تسعة الا ربع الطريق بياخد 18 دقيقة بالظبط غيث :طب يعني هتتاخري ديجا :ميقدروش يبدأوا من غيري غيث :ليه يعني زويل دجا :لا الديجا اغلقت ديجا المكالمة و ذهبت لترتدي ملابسها الساعة الثامنة و النصف نزلت ديجا ديجا :شوفت نزلت ربع ساعة بدري غيث :و ياتري صحيتي من امتي عشان تعملي كل اللي قولتي عليه ده ديجا :لا صحيت فمعادي عادي الساعة 6 غيث:بقالك ٣ ساعات بتلبس جينز و تيشرت كانت ديچا بنطلون جينز ثلجي و تيشرت ابيض و تجمع شعرها في ذ*ل حصان و ترتدي نظارة شمس ديجا :جيبنز بص ملكش دعوة انا مش ناسيالك اللي عملته امبارح هاه غيث :عملت ايه يعني جبتيلي صداع و بعدين انا خليتك تنامي عشان تصحي بدري ديجا :خلاص خلاص بس بما اني نزلت بدري فانا عشر دقايق و هبقي جاهزة غيث :اتفضلي فتحت ديجا هاتفها لتصور استوري ديجا : صباح النور للي بتابعنا من الدول العربية جونايدن للبيتابعوا من تركيا جود مورينيج للي بتابعوا من امريكا بونجور للي من فرنسا لكل العرب اللي بيتابعوني من اي مكان يارب يبقا صباح سعيد مليان تفاؤل و رضي ان شاء الله في فيديو مفاجاة هينزل انهاردة الساعة تمانية و هينزل فيديو بعديها بساعتين هتكلم فيه عن شوية حاجات مهمة هتحصل خلال الفترة دي لظروف مش هقدر اوضحها اوي كل اللي طالباه من عيلة ديجا انها تقف معايا الفترة دي لاني محتاجة دعمكوا جدا و شكرا تاني و بحبكوا اوي باي اغلقت هاتفها و ذهبت لوالدها في الحديقة ديجا من خلف والدها :سرحان ف مين يا ش*ي انت محمد بخضة :يابت اكبري بقا مش معقول كدة ديجا :متوهش مين واخد عقلك محمد :هو في غير امك بياخد عقلي ديجا مغيرة لمجري الحديث :انا راحة الكلية عايز حاجة محمد بتفهم لتغييرها مجري الحوار و خوفا عليا :لا يا قلبي خلي بالك من نفسك ديجا :طب باي و قبلته من وجنته كل هذا امام غيث الذي لم يفت عليه تغييرها لمجري الحديث و ادرك انها حقا تعاني من ازمة ،افاق من شروده علي ديجا و هي تلوح امام وجهه :هاي غيث روحت فين غيث :يالا عشان هتتاخري ديجا :اوك ساعدها علي ركوب السيارة في السيارة : ديجا : غيث باشا غيث :اممم ديجا :انت عاملي فولو او سبسكرايب غيث :لا ديجا بشهقة :هيييه انت ازاي تعمل كدة غيث :عملت ايه ديجا :صحيح الغدر بييجي من اقرب الناس ليك غيث ببلاهة :نعم ديجا :ساخبر الله بكل شئ غيث :لا و النبي ديجا :معاك داتا و لا من الناس اللي بيستخدموا خدمة رنلهم غيث :نعم ديجا :ايوة اللي هو تيجي ترن عليا فيقولك عفوا ليس لد*ك رصيد كافي لاتمام المكالمة لسلفني رصيد اضغط1 لسلفني مكالمة اضغط 2 لخدمة رنلهم اضغط 3 للشحن اضغظ 4 تقوم انت ضاغط 3 فتقولك دلوقتي تقدر تستخدم رنة ببلاش للتاكيد اضغط واحد فانت تضغط و طبعا مضغطش واحد فالاول عشان انت استلفت مرتين فيقولك عفوا يرجي سداد الشحن المدفوع اولا شكرا لاستخدامك اورانج بس خلي بالك اسبوع و هتلاقي لاستاذة جيهان عبدلله و هي بتقولك عفوا لقد استهلكت الرنات المتاحة فاشحن باقة احسن ناس مش هيسحبوا منك الرصيد و ممكن و لكن قاطعها صيحة غيث :باااااس ايه راديو اتفتح يا ماما معايا داتا الحمد لله ديجا :اجدع ناس غيث : و ربنا ابدا داتا عادي ديجا :امممم ماشي هات الموب بتاعك بقا غيث :اسمه موبايل تليفون ديجا :تؤتؤ موب غيث و هو يجز علي اسانه: اتفضلي هيييه كانت هذه شهقة من ديجا غيث :فيه ايه ديجا :انت ازاي متعملش الموب بب**ة وشي غيث :ليه كنتي من بقيت اهلي ديجا :ماشي ماشي خليك فاكرهها غيث :فاكرها ديجا :خد افتحه فتحه لها حملت ديجا علي هاتفه الانستجرام و التويتر و التيك توك و دخلت لحساباتها و جعلته متابع لها علي جميع وسائل التواصل الاجتماعي ديجا : اتفضل اخذ غيث منها الهاتف ب**ت فتحت ديجا هاتفها و اخذت الكثير من الصور وصلت ديجا الجامعة و نزلت سريعا و نزل خلفها غيث اخذت ديجا تتكلم مع كل من تقا**ه بمرح دخلت ديجا المدرج و جلست بجدية تستمع لما يقوله الدكتور و فتحت جهاز التسجيل حتي تستطيع سماع المحاضرة مرة اخري و كتبت كل مايقوله راي بها غيث شخص اخر بعد ساعتين انتهت المحاضرة و ذهبت ديجا للكافيتريا و طلبت مشروبها المفضل ميلك تشيك غيث بسخرية : ايه مش خايفة تزيدي اربعين جرام ديجا :نينيني علي فكرة انا باكل اللي انا عايزاه و بعوضه بالرياضة فوزني بيفضل ثابت لكن انا شربت مانجة كتير فوزني زاد و انا وعدت شيرين اني مش هضعف ادام المانجة تاني نظر لها غيث بسخرية : الصراحة انا مش عارف التفاهة دي ازاي كانت بالذكاء ده و حافظت علي حاجات مهمة زي دي نظرت له ديجا بغضب و كادت ان ترد و لكن رن هاتفها كانت ستتجاهله و لكنها وجدت ان المتصل ياسين فردت بسرعة جذبت انتباه غيث ديجا بسعادة : ياسو ياسين : قلب ياسو و روحه ديجا : مجتش ليه ياسين : يابت دانا لسة مكلمك امبارح بطلي تخلف هلحق اجي انا ايه الاخت دي دانا لو بدلتك بكيس شبسي ه**ب اكتر ديجا : شكرا يباشا ماهو خلاص لما الانسان بيعمل فاخوه الانسان كدة هنستني ايه من الناس التانية قالت هذه الجملة و هي تنظر لغيث بحنق ونظر لها غيث برفعة حاجة ياسين : المهم عملتي ايه امبارح ديجا : اليوم كان جامد بس كان ناقصك بجد ياسين بغرور مصنع : انا عارف اصلا اني اللي محلي حياتكوا ديجا : يابني انت ع**ط هل انت ع**ط انا بقولك كان ناقصك مش عشان عيونك العسلي دي و لا انك هاندسام و لا كدة ابسللوتلي بس انت بتحفل حلو علي شلة الكلبوبات و بس ياسين بتوعد : كدة ديجا بتاكيد : شور ياسين : و بتزعلي فالاخر ديجا : محدش يقدر يزعلني انا الديجا ياسين : و متنسيش اني اللي مربي الديجا ديجا بابتسامة : اتثبت انا كدة ياسين : اومال ديجا : طب باي عشان عندي محاضرة متتاخرش عشان بجد واحشني و محتجاك جنبي ياسين : قلبي اخوكي فضهرك ديما لو عايزاني ااجل السنة كلها و اجيلك و الله اعملها بجد ديجا : عارفة يا قلبي بس بلاش ركز انت بس و تعالي بسرعه ياسين : هوا سلام يا قلب اخوكي ديجا : سلام يا روح الديجا اغلقت ديجا المكالمة بابتسامة و حب لهذا الاخ الرئع وجدت ديجا ان ياسين ارسل لها فيديو لهم سويا علي اغنيتها المفضلة يالي شمس الدنيا تطلع يجمع صورهم كان غيث ينظر للفيديو من خلفها بغيظ هل صوره و هو يحملها على ظهره و صورة أخرى يقبلها من وجنتها و صوره أخرى يمسكها من وجنتها و أخرى يحملها كعروس و أخرى و أخرى نظرت للفيديو بابتسامة فدائما ما يرسل لها ياسين فيديوهات كهذه ليخبرها انه كان و سيكون دائما بجانبها و ارسلت له فويس ديجا : علي فكرة انا بعشقك يا ياسو ارسل لها ياسين رسالة : مانا عارف انا اصلا مفيش مني ديجا : هابي بلوك يا روحي ياسين : دانا ياسو حبيبك ديجا : خلاص عفوت عنك ياسين : طب روحي يابت المحاضرة يالا ديجا : قال امريكا قال ماشي ماشي انا هقول لخالو شكلك بتغفلنا و مش فامريكا و لا حاجة ارسل لها ياسين صوة له و هو جالس في شرفة غرفته و كان عاري الص*ر و شعره مشعث ديجا : خلاص صدقتك ادخل هتبرد و البس يا عسل ياسين بهزار : ايه خايفة من الف*نة اكمني مز و عسل و اتحب ارسلت له ديجا ايموجي مشمئز و (رزعته وواحدة بلوك كدة هون) ارسل لها من الانستجرام اموجي يضحك فضحكت بياس علي افعاله فدائما يشعر بها و يحاول ان يخرجها من حالتها ارسلت له قلوب و اغلقت الهاتف و ذهبت باتجاه المدرج دون ان تعير هذا الذي اصبح يخرج نيران من اذنه من شدة الغضب نعم فهوعندما استمع لاسم هذا الشاب انتبه لها و راي الفيديو المحادثة و لكنه فاق لنفسه : غيث في ايه انت مالك انت دي مجرد مهمة فاهم و بعدين شاغل نفسك بيها ليه تحب و لا ماتحبش و لا حتي تجوز دي مهمتك فاهم و لا لا و ذهب خلفها لم تتحدث معه ديجا اثناء اليوم و عندما عادوا للمنزل نزلت سريعا و ذهبت غرفتها بحنق ديجا : حتي ماعتزرش انا تافهة تمام ماشي انت اللي بدت يا مطر باشا و اخذت تقلده و تقوم بحركات مضحكة : انا مش عارف التفاهة دي جابت الذكاء ده منين نينيني ماشي يعني هو اللي عدل بالحركات بتاعته دي روحي م***ع م***ع ده ماشي علبي ده و ربنا لوريه هاه بقا ايه ده مفروض اصوور فيديو و عندي مونتاج يالا يا ديجا فوكك دلوقتي و ظبطي نفسك الاول و اخذت تعدل فيديو لقائها مع مصطفي شوقي و تعمل لمدة خمس ساعات ديجا : اوف خلصت يالا يا ديجا عشان تعملي الفيديو نزلت ديجا اللي الحديقة فهي تحب التصوير بها و كان غيث يقف مع الحرس و يملي عليهم بعض التعليمات حتي وجدها تهبط و ترتدي ملابس طفولية بشدة ابتسم علي شكلها البرئ و تجمع شعرها (قطتين??) و جذب انتباهه حديث ام كريم زينب : يا ديجا يا قلبي كلي مكلتيش من الصبح و بقالك خمس ساعات قاعدة عالزفت ده ديجا بارهاق : دادة بجد مش عايزة اكل و كمان و رايا حاجات كتير كمان شوية زينب :لا بقا انتي مش هينفع كدة تحاليلك زي الزفت و انيميا و ضعف ايه بقا يا تكلي يا هقول لمحمد بيه ديجا :طب بصي هخلص ده و هاكل اندومي او اطلب بيتزا زينب : انا بقول ايه و هي بتقول ايه اقول انيميا تقول بيتزا و زفت اندومي يا حبيبتي انتي محتاجة خضار يا قلبي ديجا : بجد مش بحب الخضار تمام بصي ابقي اعمليلي ساندوتش بطاطس سوري زينب : انتي الكلام مش فالح معاكي انا راحة لمحمد بيه و هو يشوفلك صرفة زفرت ديجا بحنق و ارهاق و فتحت الكاميرا ديجا : مساء الخير علي احلي فانز فالدنيا قبل اي حاجة متنسوش تعملوا لايك و شير و لو انت اول مرة تشوفني اعمل سبسكرايب و متنساش تضغط علي زر الجرس عشان يجيلك كل جديد و هتلاقي لينك الانستغرام فالديسكريبشن كلو يعمل فولو عشان بنزل عليه ستوريز كتير انهاردة هجاوب علي كل الاسئلة و هوضح حاجات كتير نبدا بالاسئلة اللي جاتلي الاول فتحت هاتفها ديجا : اول واحدة ديجا انا بحبك جدا و ان كمان بحبك يا قمر بس انتي مبقتيش تنزلي ليه هجاوبك انهاردة ان شاء الله تاني سؤال ديجا يا قمر كملي بحبك جدا و انا كمان يا قلبي طب بصوا انا لاحظت ان كل الكومنتس عن موضوع انهاردة فانا هجاوب دلوقتي طبعا انا بقالي اربع سنين علي السوشيال ميديا بجد بحسكوا عيلتي التانية بحبكوا جدا انا حاليا بمر بشوية مشاكل اول ماتخلص هشرحها كلها بس هي للاسف احتمال تطول عشان كدة مش هنزل زي الاول او الفيديوهات مش هتبقي كتير زي الاول مش هقدر افتح لايفات خالص للاسف انا عارفة انكوا هتدعموني و انكو يهمكوا مصلحتي انا لما اقدر هحاول انزل فيديوهات انا طالبة منكم تدعولي لاني محتاجة دعواتكم باي يا عيلتي التانية بحبكم جدا هتوحشوني كتير اغلقت ديجا الفيديو و رفعته علي اليوتيوب و الفيس ونزلت مقطع علي الانستغرام و عادت بظهرها للخلف و اغمضت عيناها يظهر انه ارهاق و لكنه حزن دفين ديجا بداخلها : ايه خلاص كل حاجة بنيتيها بتتهد قدامك مستقبلك حياتك كل حاجة اوعي تكوني خايفة انتي عارفة انك بتبني كل حاجة بس هتيجي فترة و تروح زي ماكل حاجة راحت منك فتحت ديجا عيناها و اردفت لنفسها : لا يا خديجة انتي الديجا اللي مفيش حاجة بتقدر عليها انتي قوية اقوي من اي حاجة و اقوي من اي حد ******** ايه رايكوا فالديجا و غيث ليه اللي هيحصل مع ديچا و ياسين هينزل امتى طب غيث هيعرف انتي انه اخوها ده اللي هنعرفه فالفصول الجاية من الديچا الرواية حلوة و لا اعد على جنب ??

Free reading for new users

Scan code to download app

App Store Google Play

Facebookexpand_more