“KUYA!”
Biglang nagsalubong ang mga kilay ni Jefrex nang pagkabukas nito sa pinto ng condo nito ay naroon sa labas ang kapatid nitong si Sirak. Nagtataka pa itong tiningnan ang hitsura ng kapatid.
“Sirak? What happened to you?” tanong nito. “What are you doing here? Did you cry?” tanong pa nitong muli nang makita ang pamamaga ng mga mata ni Sirak.
Isang malalim na paghinga ang pinakawalan niya sa ere ’tsaka nagmamadaling lumapit sa kaniyang kuya. Yumakap siya rito.
Pagkatapos ng pag-uusap nila ni Sugar kanina ay nagpasya na rin siyang magtungo sa condo ng kaniyang kuya para doon na muna makituloy. Uuwi sana siya sa Antipolo, pero ipapagpabukas na lamang niya dahil late na rin ng gabi. Delikado kung bibiyahe siya ng matagal at ganitong oras pa. Baka mapapaano pa siya sa daan. Mabuti
