" Anong ginagawa mo dito? " nauutal kong tanong sa babaeng kaharap ko ngayon.
Hindi ako makapaniwala sa nakikita ng aking mga mata! Hindi ko inaasahan na makikita ko siya ngayon! Biglang bumilis ang aking puso dahil muli ko na naman nakita ang kanyang mukha, ang kanyang ngiti at ang kabuoan niya.
Dalawang taon at limang buwan na noong huli ko siyang nakita. Noong nagtapos kami ng grade 10 ay lumipat sila ng tirahan at nagpunta sa ibang bansa para doon mag-aral pero ngayon ay nandito na siya!
" Hindi ka ba masayang makita mo ako, Kiko? " nakangisi niyang tanong sa akin.
" Hindi naman sa ganoon, nagulat lang ako, " sabi ko sa kanya.
Hindi ko napigilan ang aking sarili kundi ang mapayakap sa kanya.
" Miss na miss mo ako, ah, Kiko! " bulong niya sa akin.
" Dalawang taon rin tayo
