Sabay na bumalik sina Nia at Vexx sa teritory ng Hahipa. Laking gulat ng dalawa na sa lalim ng gabi ay nasa labas lahat ng mamamayan nito, kabilang na sina Leo, Zenon, at Konad.
Nagliparan ang mga hayop sa pagdagundong ng malalakas na pagtambol, sa pagsunod ng musika na gawa na tipa pa silindro ay nagtakip ng tainga ang lahat.
Patakbong lumapit si Nia sa iba niyang kasama. Sumunod na rin maging si Vexx.
"Anong nangyayari?"
Nagtinginan ang lahat sapagkat nakikita man nila ang pagsasalita ni Nia ay hindi naman nila ito naririnig.
"Hindi kita marinig!" sumisigaw man si Leo ay wala ring marinig si Nia. "Wala rin ba kayong marinig?" tanong niya kina Zenon at Konad. Umiling ang dalawa.
Pinagmasdan ni Nia ang kanyang mga kasamahan. Sa tainga ng mga ito ay may tila ba usok na lumalabas.
"A
