Sa pag ihip ng malakas na hangin ay napagtanto na ng grupo na nalalapit na sila sa kanilang destinasyon, ang bayan ng Hahipa.
Nais ni Nia na kumbinsihin si Maura na ialay sa kanya ang kanyang Karisma bilang karagdagan sa kanyang lakas.
"Dito ang daan patungo sa Hahipa," ani Rava na siyang nangunguna sa kanilang paglalakbay.
"Hindi ito ang nasa mapa," puna ni Konad.
"Mas maikli ang daan dito. Makakarating tayo nang mas maaga sa Hahipa kung dito tayo daraan."
Sa bulubundukin dinala ni Rava ang grupo na minsan na niyang nadaan sa kanyang paglalakbay. Siya ngang mas mapapadali ang kanilang paglalakbay kung doon sila daraan ngunit sa kalagitnaan ng kanilang pagbaybay rito ay muling nag init ang Karisma ni Nia.
Agad na hingot ni Nia ang kanyang Karisma sa kanyang likod. Agad na pinatigil n
