نبض الفؤاد... ❤

الفصل الثالث... ❤

*فؤاد كان واقف بيسمع نبض وهي بتغني وسرحان في صوته وبيقول في نفسه ازاي همنع نفسي عنك يا نبض انا بحبك بجد ليه محبتنيش ليه محستيش بيا مبقتش عارف اعمل معاكي اي بجد انا مش قادرة اقسي عليكي مش قادر اشوفك بتتوجعي ولا اشوف دمعة واحده منك ملكتي قلبي يا نبض الفؤاد..... نبض خلصت وفؤاد فاق وراح مقرب منها وهو بيسقف..

نبض: فؤاد انت جيت امتا انا محستش بيك خالص حمدالله علي السلامه

فؤاد: مكنتش اعرف انك بتعرفي تغني لا وصوتك حلو اوي كمان

نبض ب**وف: شكرا دا بس من زؤقك

فؤاد: طب اتاخري كدا شوية خليني اقعد جانبك

نبض: اتفضل بس براحه احسن اقع انا مبعرفش اعوم

فؤاد: معقول ست نبض مبتعرفش تعوم لا مصدقش

نبض بحزن: انا بخاف من المياه جدا من يوم ما اختي التؤام غرقت مننا ومعرفناش نلاقي جثتها وانا مبنزلش المياه ابدا

فؤاد بحزن عليها: الله يرحمها بس المياه ملهش ذنب دا نصيبها ومكتوب وهي اكيد في مكان احسن بكتير

نبض: ربنا يرحمها يا رب... هقوم احضرلك العشاء

فؤاد بخبث: لا عشاء اي بس تعالي لما اقولك

وراح شايلها وراميها في المياه بلبسها ونزل هو كمان... نبض: فؤاد انت اتجننت اي اللي عملته دا طلعني بسرعه

فؤاد: لا مش هطلعك انا مبسوط كدا مش عجبك اطلعي انتي بقي لوحدك

نبض: يا فؤاد بالله عليك انا خايفه طلعني

فؤاد: نبض بصيلي ومتخفيش طول ما انا معاكي مش عايزاك تخافي من اي حاجه مفهوم

_نبض فضلت سرحانه في عيون فؤاد ونسيت خوفها كله وكانت في حضنه ولاول مره قلبها يدق بحب لفؤاد وتحس بالامان والراحه بالشكل دا عشان عمرها ما حسيته مع ابوها لانه كان دايما مشغول في الشغل وسايبها لوحدها.... فضل فؤاد يتحرك في المياه ونبض في حضنه ومستمتعه اوي وهو مبسوط وبيتمني الوقت ميعديش خالص ومره واحده من غير ما يحس قرب من شفايفها وباسها ولاول مره نبض تستلم ليه وتشاركه وبعد شوية فاقت نبض وبعدت عنه وطلعت من المياه بالعافية وجريت علي اوضتها... طلع فؤاد وراها وخبط عليها..

نبض: عايز اي يا فؤاد الاكل تحت في المطبخ

فؤاد: انتي من هنا ورايح هتنامي عندي في الاوضة مش هينفع تنامي لوحدك طول ما زينب هنا مينفعش

نبض بعد تفكير: ماشي اتفضل وهاجي وراكي

فؤاد راح شايلها: لا هتيجي معايا حالا

نبض فضلت تض*به عشان ينزلها ومنزلهاش غير في الاوضه.. فؤاد: اتهدي بقي في اي وكمام انتي تقيله كدا ليه اللي يشوفك يقول مفكيش حاجه

نبض بعصبيه: انت بتقول اي انا مش تقيله اتلم

فؤاد بضحك: طيب يا طفلة انا هدخل اخد دش وانتي انزلي جبيلي الاكل

نبض: طيب

.................

*في اوضة زينب كانت شايفه كل اللي بيحصل تحت ومتغاظه اوي ومسكت التلفون واتصلت بحد....

زينب: انا مش عارفه اعمل اي هو شكله بيحبها

..: بيحب مين فؤاد مبيعرفش يحب يمكن تكون لعبة وشافك

زينب: لا هو بيحبها فعلا انت متعرفش بيعاملها ازاي دا بيقعدها علي رجله

...: خلاص اشتغلي بالطريقة التانية لازم يكرهه او هي تكرهه اللي تقدري عليه اعمليه

زينب: بس انا كدا بعرض حياتي للخطر لو اتكشفت فؤاد مش هيرحمني

....: متقلقيش انا في ضهرك واي حاجه هتحصل هعرف انقذك منها

زينب: ماشي هشوف هعمل اي وهبلغك..... وبعد ما قفلت قالت في نفسها: انا لازم انتقن مش هرحم حد مهما كان مين هعمل المستحيل عشان ا**ب انا واهدهم كلهم

(الحقد والغيرة دوال اسواء حاجه في الدنيا ساعات بتوصل بسببهم لمرحله وحشه اوي ومكنتش تتوقع نفسك توصلها ممكن تقتل او تدمر غيرك عشان بس ترضي نفسك المفروض تراضي عن حالك وتحب حياتك وتحب نفسك وتعززها مش تهينها بالمنظر دا احمد ربنا دايما علي كل حاجه وارضي بقليلك عشان ربك يكرمك...)

...........

*تاني يوم عند مروان وصل الشركة وقبل ما يدخل خبط في ضحي....

مروان: يادي اليوم اللي باين من اوله يا ابنتي انتي مستقصداني يعني

ضحي: انا اسفه يا مستر مروان بس حقيقي مختش بالي وكنت مستعجله عشان متاخرش من اول يوم

مروان: انتي تبعدي عني خالص مفهوم انتي شكلك بتيجي وتجيبي المصايب معاكي

ضحي بحزن: انا اسفه يا مستر

مروان وهو زعل عليها: طب اتفضلي علي شغلك

_مشيت ضحي وهي زعلانه اوي لان الكل فعلا بيقول عليها نحس ووشها وحش وجلابت المصايب بسبب ان اهلها ماتوا وهي الوحيده اللي عاشت فيهم ودا من اول ما رجعت تعيش معهم فكان وشها وحش عليهم..... دخل مروان مكتبه وكانت عيونه علي ضحي ميعرفش ليه بس حاول يركز في شغله...

محمود: انسة هي فين الموظفة الجديده

ضحي: انا يا مستر في حاجه

محمود: لا انا بتكلم عن بنت تانية هي فين

دعاء وهي بتجري: انا جيت اهو يا مستر محمود سوري علي التاخير

محمود: من اولها كدا بداية مش مبشرة

دعاء: اسفه بجد مش هتتكرر تاني

محمود: طب اتفضلي استلمي شغلك وتعالي علي مكتبي

ضحي: هو ماله بيزعق كدا ليه دا اصعب من مروان

دعاء: هو شكله عصبي اه بس طيب والله دا شغلني علي طول

ضحي: شكلك طيبه وغلبانه اي رايك نكون صحاب انا ضحي

دعاء بفرحه: وانا دعاء واكيد يشرفني نكون صحاب يلا هروح مكتبي وهجيلك في البريك

ضحي: ماشي يا قمر هستناكي

..............

*صحي فؤاد واستغرب هو نام ازاي وافتكر انه خد دش وطلع نام عقبال ما نبض تجيب الاكل وراحت عليه نومه فضل يدور عليها وكانت نايمه علي الكنبه راح قرب منها براحه وفضل يمشي ايده علي وشها وبيقول في نفسه قد اي انتي جميلة يا نبض عامله زي الملاك ياريت اللي حصل مكنش حصل بس اكيد هيتغير انا واثق من كدا فجاه نبض بداءت تتحرك وفؤاد حب يرخم عليها راح جايب كوباية مياه ورشها علي وشها صخيت نبض مخضوضه...

نبض: لا اله الا الله في اي بغرق بغرق

فؤاد وهو بيضحك علي منظرها: يخربيتك فصلتيني قومي قومي

نبض بعصبيه: انت اي اللي عملته دا والله حيوان

فؤاد وهو بيقرب منها: انا حيوان تحبي اوريكي الحيوان ممكن يعمل اي

نبض بخوف زقته وجريت علي الحمام: حيوان وقليل الادب كمان وري نفسك يا اخويا

فؤاد وهو بيضحك: ماشي مسيرك تيجي تحت ايدي انجزي بقي عندي شغل

_تحت علي السفرة كان فؤاد لبس ونزل ونبض بتجيب الاكل زينب طلعت ونبض جايبه الشاي راحت خبطه فيها فنبض الشاي وقع علي ايدها واتحرقت...

زينب: اوبس سوري مخدتش بالي

نبض بدموع: ااااه ايدي مش قادرة فؤاد

فؤاد بخوف: نبض مالك يا حبيبتي اي اللي حصل اهدي بس انا معاكي اهو

نبض بعياط: مش قادرة يا فؤاد ايدي بتوجعني اوي ااااه

_فؤاد بسرعه شالها وركب العربية وطلع علي المستشفي وبسرعه طلب دكتورة وعملت اللازم لنبض وفؤاد شكرهم وخدها ومشي....

نبض: هو احنا رايحين فين

فؤاد: هتيجي معايا الشركة عندي اجتماع مهم

نبض: ماشي بس سوق براحه

فؤاد: عيوني حاضر

..............

*عند محمود كان قاعد مستني دعاء وبعد شوية دخلت....

دعاء: اتفضل يا مستر محمود

محمود: يخربيت مستر محمود منك يا شيخه

دعاء باحراج: سوري يا مستر

محمود: احم طيب في اجتماع كمان شوية جهزيلي الورق بتاعه بعد اذنك

دعاء: حاضر اي اؤامر تانية

محمود: لا شكرا بس صحيح ياريت شعرك تربطيه

دعاء باستغراب: افندم دا ليه يعني

محمود بعصبيه: اللي اقوله يتنفذ مفهوم شعرك مشفهوش كدا تاني

دعاء بدموع: حاضر يا مستر محمود

محمود ببرود ع** اللي جواه: اتفضلي علي مكتبك يلا

دعاء: حاضر

_وصل فؤاد الشركة ودخل وهو ماسك ايد نبض والكل بيبص باستغراب واللي بيبص بحقد واللي بيبص بغيرة وكره ونبض متوترة اوي...

نبض: هما بيبصوا كدا ليه في اي

فؤاد: عادي هما كدا اصل جمالي ميتقاومش

نبض: مغرور

فؤاد: سمعتك علي فكره

نبض: طيب يا رخم

فؤاد: طيب انتي اقعدي هنا لحد ما اخلص الاجتماع مفهوم

نبض: حاضر بس انا كدا هزهق

فؤاد: اعملك اي يعني مش فاهم انا

نبض: عايزة الاب توب بتاعك وعايزة باسورد الواي فاي وعايزة شكولاته وبيبسي وشيبسي وكريب وبس كدا

فؤاد: اي كل دا هتاكليه لوحدك

نبض: ايوة وفيها يعني لو عايز اعمل حسابك

فؤاد: صبرني يا رب جايب بنت اختي معايا ماشي اقعد هنا وهبعتلك اللي طلبتيه والاب عندك اهو وعليه كل حاجه متتحركيش من هنا يا نبض مفهوم

نبض: اوووف حاضر

............

*في مكان تاني....

_يعني خدها معه الشركة لا دي كدا احلوت اوي

•هنعمل اي دلوقتي احنا تحت امرك

_تمام نفذ اللي اتفقنا بس اوع حد يشوفك

•تمام بس كدا هيبقي في خطر

_فؤاد بسبع ارواح وميتخفش عليه هيعرف يطلع منها

•تمام عن اذنك

_لما نشوف هتعمل اي بقي يا استاذ فؤاد

...........

*في الصعيد....

_هو احنا هنظهر امتا انا زهقت

•اصبري شوية يا ولية هانت والحقوق هترجع لصحابها

_هي وحشتني اوي بجد نفسي اشوفها واخدها في حضني

•معلش هو شوية وقت بس اتقلي

_يا مهون يا رب ماشي خليني معاك للاخر

............

*خلص فؤاد الاجتماع وكان مستعجل بسرعه عشان يرجع لنبضه ولما رجع اتصدم لما شاف نبض واحد من الموظفين واقف معها في المكتب وبيضحك...

فؤاد بغضب: هو اي اللي بيحصل هنا دا

نبض: اي يا فؤاد خلصت بسرعه كدا

فؤاد: انا بسال اي اللي بيحصل هنا

الموظف: اسف يا مستر فؤاد كنت بجيب الطلبات لنبض واتكلمنا شوية

فؤاد بغضب: اسمها نبض هانم اتفضل علي شغلك ومخصوملك اسبوع

نبض: ليه كدا يا فؤاد حرام عليك هو معملش حاجه

فؤاد وهو بيمسك دراعها بغضب: حسك عينيك يا نبض اشوفك بتهزار او بتضحك مع حد تاني واياك تفكري تتكلمي مع راجل تاني او اسمه يجي علي ل**نك انتي فاهمه

نبض بدموع: فؤاد ايدي حرام عليك سبني

فؤاد: يلا قدامي خلينا نروح

*وفي الطريق اشتغلت اغنية حلوة اوي سرح الاتنين معاها....

نفسى اقول لك ع اللى بيا نفسى اقولك كلمه واحده انت دارى بشوق عينيا متجاوبش ثانيه واحده

سيبنى اقولك م الكلام حاجه توصف اللى بيا و لمااخلص فيك غرام ابقى رد انت عليا

انت مهما تقول لى ايه مش هااصدق غير عينيا

*دانا بشوف احلام عمرى جوا عينيك

لما عينى تنام بردوا بحلم بيك

حبيبى دبت خلاص بعد تانى محال

عشت بيك احساس ابعد م الخيال

_ايوة دايب قلبى فيا والاهات ف الوصف صعبه ثانيه واحده تغيب عليا باحس فيها اكيد بغربه

ايوة انا محتاج لحضنك ضمنى حس اللى بيا نفسى اعيش العمر جنبك

بس عمرى عليك شويه عايز اقول لك ع الحقيقه انت اجمل حاجه فيا

*دنا بشوف احلام عمرى جوا عينيك

لما عينى تنام بردوا بحلم بيك

حبيبى دبت خلاص

بعد تانى محال

عشت بيك احساس ابعد م الخيال

*فاق الاتنين من خيالهم لما وصلوا الفيلا وجت نبض تنزل فؤاد نزل بسرعه وقرب منها وشالها ودخل بيها القصر تحت نظرات زينب المولعه وطلع بيها علي فوق علي طول...

نبض: انت اياك تلمسني بالطريقة دي تاني انا مش عيله صغيرة وبعرف امشي ماشي

فؤاد: اسكتي خالص خليني اغيرلك علي الجرح

نبض: مش عايزة منك حاجه ابعد عني

فؤاد بداء يغير علي الجرح من غير اي اعتبار لكلامها ولما خلص: يلا غيري هدومك ونامي ولا تحبي اساعدك

نبض: قليل الادب اوع كدا

خلصت نبض وطلعت تاني علي الكنبه فؤاد: انتي بتعملي اي تعالي هنا علي السرير

نبض: انا مستحيل انام جانبك

فؤاد: اسمعي الكلام احسن ليكي يا نبض

*ولسه هتعترض راح شالها وحطها في السرير ونام جانبها وشدها في حضنها كانت هتعترض قالها سبيني انا مرتاح كدا يا نبض ارجوكي نبض سكتت وسابته ينام ونامت هي كمان.....