الفصل السادس... ❤

1741 Words

*بعد كام ساعه وصلوا وكانت نبض لسه نايمه فؤاد حاول يصحيها وهي قامت ولما لاقيت نفسها علي كتف فؤاد بعدت بسرعه وقالت: انا اسفه مخدتش بالي رد عليها وقال: ولا يهمك يلا بقي عشان وصلنا ولا حابه تفضلي في العربية يعني عجباكي اوي كدا يعني يلا انزلي يا نبض نبض استغربت عصبيته اللي ملهش لازمه ونزلت من العربية وقالت: هو احنا فين طيب وفيلة مين دي وجايين هنا ليه متفهمني بقي يا فؤاد رد وقالها: يلا ندخل دلوقتي وهتفهمي كل حاجه بليل وبطلي رغي بقي انا دماغي وجعني وسايق بقالي كتير وفي واحده وقفتلي دراعي ات**فت نبض وقالت: كنت صحتني يا فؤاد انا فعلا محستش بنفسي او علي الاقل كنت سوقت بدالك شوية عمتا انا اسفه فؤاد بصلها وقال: خلاص يا نبض اللي حصل يلا ندخل بقي انا محتاج ارتاح بجد يلا عشان اوريكي اوضتك فين ولما نصحي بليل نتكلم دخلوا الفيلا وكانت عجبه نبض جدا وفؤاد وراها اوضتها وراح اوضته نبض ما صدقت ودخلت اخدت دش وطلعت نامت علي طول... مروان كان مقضي اليوم مع ضحي وبعد ما خلص اكل قال: بجد تسلم ايدك يا ضحي طلعتي ست بيت شاطرة اوي كنتي فين من بدري يا بنتي دا انا معدتي اشتكيت من اكل الشارع ضحي ضحكت وقالت: كنت في الطريق وكمان ليه بتاكل من الشارع هو انت عايش لوحدك ولا اي مش عندك اهل او اخوات مروان ملامحه بدءات تغضب وقال: لا معنديش اخوات وابويا متوفي بس امي عايشه ومش عايشه متشغليش بالك انتي بالحوار دا ضحي قربت ومسكت ايده بتوتر وقالت: لو حابب تحكي او تفضفض انا موجوده اهو وهعتبر نفسي مسمعتش حاجه خالص لو دا هيريحك بصلها وبص لايدها وبعد تفكير قال: انا تعبان اوي يا ضحي وتعبت من حياتي امي اه عايشه بس كل يوم سهر وشرب وفي الاخر تجيب عيل من الشارع في سني وتقول انه جوزها مقدرتش استحمل الفكرة وسبت البيت ومشيت ودا كان اليوم اللي ضايقتك فيه رديت وقالت: وعشان كدا طلعت عصبيتك فيا انا ماشي يا سيدي انا عذرلك خلاص بس متزعلش مني انت غلط لما سبت البيت مينفعش تعمل كدا مهما حصل بصلها وقال: انتي بتقولي اي عايزني ازاي افضل هناك بعد ما هي اتجوزت لا مش هقدر دا انا عندي ابات في الشارع ولا اقعد في الوضع دا رديت وقالت: يا مروان افهمني اكيد العيل دا طمعان في امك مش موجود عشان سواد عيونها يعني ومعني انك تمشي انك كدا بتسمحله يستغلها اكتر انت لازم ترجع وتحمي امك تحمي حته من نفسها مروان بقي متلغبط اوي وقال: طب ازاي انا مش هعرف اعمل حاجه مش هقدر اساعدها وهي مش بتساعد نفسها وهي حابه حياتها كدا ضحي قالتله: بص يا مروان مامتك اكيد في سبب لكل اللي بتعمله دا ويمكن يكون الشيطان عامي عينيها انت ارجع وخليك جانبها وكل حاجه هتتحل صدقني واوع تسيبها لوحدها صدقني هضيع اكتر اسمع مني مروان اقتنع وقالها: ماشي يا ضحي انا هرجع وربنا يستر وبجد شكرا انك سمعتيني انا فعلا ارتحت بس بعد اذنك ارجعي الشغل بكره خليني ابقي مرتاح اكتر ضحي ابتسمت وقالت: حاضر يا مروان هرجع بكره ان شاء الله وفي اي وقت حبيت تتكلم انا هبقي موجوده تحت الطلب مروان ضحك واستاذن عشان يمشي وضحي كانت مبسوطه اوي وبداءت تحس بحاجات ناحية مروان مش قادرة تفسرها... محمود بسرعه وصل هو ودعاء المستشفي عند مامتها واول ما دعاء شافتها جريت عليها وقالت: ماما حبيبتي انتي كويسه اي اللي حصلك واي نزلك من البيت اصلا يا ماما رديت بتعب وقالت: اهدي يا دعاء انا كويسه مفيش حاجه انا بس نزلت اجيب حاجات الكيكه اللي بتحبيها كان نفسي اعملهالك بي ايدي دعاء عيطت وقالت: يا ست الكل مكنش ليه لازمه تعبك والله انتي عندي بالدنيا كلها بالله عليكي متنزليش تاني عشان انتي بتتعبي بسرعه رديت وقالت: حاضر يا بنتي بس بطلي عياط بقي انا كويسه اهو متزعلنيش منك ويلا ادخلي لدكتور دا معرفش ليه **م انك تيجي دعاء سابتها ودخلت للدكتور ومحمود قعد جانب امها وقال: الف سلامه علي حضرتك انا ابقي محمود مدير دعاء في الشغل ام دعاء رديت وقالت: اتشرفت بيك يا ابني دعاء حكتلي عنك كلام كويس ربنا يبارك فيك ويخليك لاهلك ويفرحوا بيك يارب رد وقال: ربنا يخليكي ودعاء اكيد زودتها انا انسان عادي ومعملتش حاجه خالص والله هي بس اللي مجهتدة وشاطرة وبتحب كل الناس ابتسمت ام دعاء وقالت: هي دعاء كدا من يوم يومها بتحب الخير لغيرها بس يا عيني شايله الهم بدري بدري بسبب تعبي قولتلها تريح نفسها انا خلاص كبرت وراحت عليا وهي ابدا انا كل اللي عايزة اطمن عليها قبل ما اموت رد وقالها: بلاش الكلام دا انتي ان شاء الله هتبقي كويسه وهتفرحي بيها وبي عيالها كمان خليكي قوية دا انتي معاكي بت بمية راجل ضحكت وقالت: ربنا يخليك يا ابني يا رب شكلك فعلا ابن حلال ممكن بقي تقوم تشوفها اتاخرت ليه انا عايزة امشي من هنا محمود قام دخل لدعاء وقبل ما يدخل سمع الدكتور بيقولها: انا اسف يا دعاء قولتلك قبل كدا حالة ولدتك متاخرة جدا ولازم تعمل العملية في اسرع وقت انتي كدا اتاخرتي اوي والله اعلم اي ممكن يحصل ياريت تجهزي بسرعه او انا اسف اني هقولك ان امك مبقاش فضلها كتير دعاء انهارت وقالت: لا يا دكتور متقولش كدا انا ان شاء الله هحضر الفلوس في اسرع وقت وهي هتعمل العملية وهتبقي كويس صح رد وقال: ان شاء الله يا بنتي انا والله عملت المستحيل عشان اقلل سعرها بس اكتر من كدا مش هينفع دا مش بي ايدي دعاء قالت: شكرا يا دكتور انا عارفه اني تعبت حضرتك جدا كتر خيرك ان شاء الله كام يوم والفلوس هتجهز باذن الله دعاء قامت عشان تخرج ومحمود استخبي ولما خرجت قالها تركب العربية لحد ما يطمن علي واحد صحبه ورجع لدكتور وقاله: انا عايزاها تعمل العملية في اسرع وقت وكل التكاليف عليا بس مش عايز حد يعرف بكدا رد وقاله: ازاي يعني يا فندم هنقولها اي اكيد هتسال العملية مش رخيصه دي غالية جدا محمود قاله: عادي قولها انك كلمت ناس والعملية هتتعمل علي نفقة الدولة تمام ابداء في الاجراءات وانا جاهز لاي تمن مشي محمود عشان يوصل دعاء وامها وهو بيتمني من قلبه يرجع الضحكه للعيله الصغيرة دي وميعرفش هو بيعمل كدا ليه بس حاسس ان دعاء تهمه زي ما تكون حته منه جه الليل بسرعه ونبض قامت وصليت فروضهت وطلعت تشوف فؤاد فين خرجت ودورت عليه في الفيلا كلها ومكنش ليه اثر فجاه الباب خبط وفتحت وقالت: ايوة افندم حضرتك عايز حاجه رد الشخص: مدام نبض فؤاد بيه سابلك الشنطه دي ومعاها الكارت دا عن اذنك نبض دخلت وفتحت الكارت وكان مكتوب فيه: طبعا انتي مش فاهمه حاجه بس صدقيني مش هتندمي يلا افتحي الشنطه واجهزي وهتلاقي السواق مستنيكي بره متتاخريش يا نبض نبض استغربت واول ما فتحت الشنطه لاقيت فستان زي بتاع الاميرات وفرحت بيه اوي دخلت بسرعه لبسته وحطيت ميكاب خفيف وخرجت وركبت مع السواق بعد شوية وصل السواق وقالها: مدام نبض تقدري تنزلي هنا وامشي من الممر دا واتفضلي الوردة دي ليكي نبص خدت الوردة ونزلت وهي فرحانه وبتحاول تفهم اللي بيحصل لاقيت في وشها ممر كله ورد فضلت ماشية فيه علي حركة كل سهم في الارض وكل ما تقدم تشوف صورة ليها مختلفه اول مره تشوفها لحد ما وصلت النهاية وبصيت لاقيت فؤاد واقف قدام ترابيزة عليها شموع وورد ولابس بدلة وشكله حلو اوي قربت منه وقالت: اي كل دا يا فؤاد انا مش فاهمه حاجه هو في اي وعملت كل دا امتا انت مش كنت تعبان وعايز تنام حط ايده علي شفايفها وقال: بس يا نبص كفايه كلام بقي انتي اي مش بتتعبي جه الوقت اللي اتكلم انا فيه بقي وانتي تسمعيني نبض قالت: اتكلم يا فؤاد انا سمعاك في اي وليه كل اللي عامله دا بجد.... رد وقال: اي مش عجبك بجد دا انا قعدت اليوم كله فيه ورفضت ان حد يساعدني عشان اكون تعبتلك بنفسي نبض ضحكت وقالت: لا والله دا تحفه تسلم ايدك بس ممكن اعرف بقي ليه كل دا انا عايزة افهم تعبت نفسك كدا ليه فؤاد بداء يتكلم وهو باصص في عينيها وقال: نبض انا من ساعه ما شوفتك في الكلية وانتي خ*فتي قلبي من اول نظرة انا فؤاد اللي عمره ما حب في حياتي انتي بنظرة منك سحرتيه خلتيني احلام بيكي ومفكرش غير فيكي ومش بركز في اي حاجه بسببك انتي رجعتيني للحياة تاني حبيت ضحكتك ونظرتك وجنانك وتريقتك علي الدكاترة حبيت الطفولة اللي انتي فيها بس نبض عيونها كانت دمعت وقالت: بس اي يا فؤاد كمل........ فؤاد خد نفسه وكمل وقال: بس يوم ما قررت اعترفلك بحبي جرحتيني ودوستي علي قلبي بجزمتك كرهت نفسي وكرهت اني ضعفت قدامك وسلمتك قلبي من البداية وقررت انتقم منك واول ما عرفت بعجز ابوكي استغليته واتجوزتك عافية وافتكرت اني بجد بعلمك الاداب وباخد حقي بس مقدرتش يا نبض انا حبيتك بجد وحبك مسيطر عليا انا بتوجع علي وجعك مش قادر اشوف دمعه منك نبض عيطت وقالت: كفايه يا فؤاد انا عارفه اني غلطانه واستاهل كل دا انا بجد اسفه سامحني كنت هبله وع**طه ومش عارفه بعمل اي فؤاد حط ايده علي شفايفها تاني وقال: سبيني اكمل يا نبض انا عايز ننسي كل دا عايز نبض حياتنا من تاني سوي عايز نعيش مبسوطين مش هنفضل نجرح في بعض العمر مفهوش كتير عشان نضيعه في عناد ملهوش لازمه اديني فرصة يا نبض وهخلي قلبك يحبني وميشفش غيري اوعدك بس اديني فرصة فؤاد نزل علي ركبته وطلع خاتم وقال: نبض تقبلي تكوني شريكة حياتي لمدي الحياة وتقبلي تكوني حبيبتي وامي واختي وبنتي وكل حياتي تقبلي تكوني مراتي برغبتك وبقلبك وكل كيانك نبض بسرعه هزت راسها وقومت فؤاد وحضنته وهي فرحانه اوي وفؤاد لبسها الخاتم وقالها: نورتي حياتي يا نبض الفؤاد تسحميلي بالرقصة دي...... واشتغلت اغنية معاك قلبي وبداءوا يرقصوا عليها وهما مبسوطين اوي وبيغنوا معاها بصوت نبض اللي يخطف... قولي يا حبيبي ليه وإنت عني بعيد أنا شوقي ليك بيزيد و إن جيت أنا برتاح قولي يا حبيبي إيه إللي غيرني و إزاي بتشغلني عن عمر قبلك راح معاك قلبي وبلاش تغيب عني بتوحشني معاك قلبي والله ولا بنساك معاك قلبي وبلاش تغيب عني بتوحشني مليش غيرك حبيب قلبي يا أحلى ملاك أحلى أيامي و أجمل سنين تتعاش جنبك يا إمّا بلاش مين غيرك أتمناه هو ده كلامي حبك مفيش بعديه فتحت عيني عليه وعرفت راحتي معاه معاك قلبي وبلاش تغيب عني بتوحشني معاك قلبي والله ولا بنساك معاك قلبي وبلاش تغيب عني بتوحشني مليش غيرك حبيب قلبي يا أحلى ملاك معاك قلبي وبلاش تغيب عني بتوحشني معاك قلبي والله ولا بنساك معاك قلبي وبلاش تغيب عني بتوحشني مليش غيرك حبيب قلبي يا أحلى ملاك عند رامي كان قاعد متعصب اوي لحد ما دخلت عليه زينب وقالت: معلش اتاخرت عليك بس الطريق كان رخم شوية رد وقال: ولا يهمك انجزي وقوليلي عايزة مني اي انا مش فاضيلك واصلا مش مرتحلك رديت وقالت: احنا مصلحتنا واحده انت عايز نبض وانا عايزة فؤاد اي رايك نحط ايدنا في ايد بعض ونتفق وكل واحد ياخد اللي ليه فكر شوية وقالها: ماشي واي الخطة اللي عندك بقي سمعيني... زينب ضحكت وقالت: اسمعني بقي كدا ونفذ اللي هقوله بالحرف الواحد...................

Free reading for new users

Scan code to download app

App Store Google Play

Facebookexpand_more