“I heard the project that you have constantly rejected has finally been approved.” Iyon ang mga salitang bumungad kay Alfonso nang pumasok sa opisina niya ang kanyang sekretarya. “What made you change your mind, Gov?” tanong nito sabay lapag ng mga dokumentong kailangan niyang basahin at lagdaan. Tumitig sa kanya ang sekretarya. Bakas sa mukha nito ang matinding kuryusidad dahil ito ang saksi kung ilang beses niyang ibinasura ang proyekto ng mga Consunji.
Ilang segundo siyang nanahimik bago hinarap ang babae. “I realized it would also be good for San Miguel,” sagot niya rito. Oo, alam niyang may magandang benepisyo ang proyekto pero alam din niyang hindi ‘yon ang tunay na dahilan kaya niya ‘yon in-approve. “At isa pa, hindi rin naman sila basta-bastang makakapagsimula ng construction dahi
