"Nagpapatawa ka ba? Paano'ng nangyari ang mga bagay na ito? Wala bang pumoprotekta na mga Demon Emperors doon sa Demon World?!" Sambit ng binatang si Wong Ming habang kakikitaan ng kuryusidad sa isipan niya.
Mabilis na nanlaki ang mga mata ni Lord Damon sa tinuran ng binatang mula sa lahi ng tao. Kakikitaan ng pagkagulat sa mga mata nito.
"Demon Emperors? Paano mong nalaman ang patungkol sa kanila? Ngunit hindi nananatili ang mga Demon Emperors sa mga bayan. Sadyang nasa tagong lugar sila o di kaya ay nasa seklusyon. Mukhang ilang mga taon lamang mula ngayon ay lilitaw na ang mga iyon habang sa ngayon ay mukhang gagamitin ng mga masasamang nilalang ang pagkakataong ito upang patalsikin at burahin ang mga mahihinang mga nilalang o mga papahinang mga angkan ng sapilitan." Malungkot na sa
