“Ma'am Thisa?” tawag ni Rica na naka-abang sa pinto.
Katatapos lang ng meeting ko sa ibang investor na nakatuka mismo sa design ko. Buti na lang at nagustuhan ang bago. Mas maganda raw kesa doon sa ninakaw. May ilang details lang na gustong ipadagdag pero madali lang gawin.
Tumigil ako sa harap niya at binigay sa kanya ang folder. “Akala ko umuwi ka na,“ sabi ko since off na dapat. Halos wala nang tao sa office. Importante lang talaga ‘yong meeting na ‘yon. Nira-rush kami eh. “Do you need something?” kunot-noo'ng tanong ko. “Sabihin mo. Baka may maitulong ako.”
“Iyong kapatid ko po kasi…” panimula niya at yumuko. “Nasa ospital. Walang magbabantay. Gusto ko po sanang humingi ng leave.”
Hinawakan ko ang braso niya at tinapik. “Walang problema. As long as nagsasabi sa akin, walang kaso. Y
