LABINGLIMANG minuto pa bago pumatak ang alas kwatro, ang oras ng uwi ng mga intern sa Nogara Philippines. At bago sila isa-isang bigyan ng assignment ay nagbigay ng ilang detalye ang isa sa mga managers ng kumpaniya sa isang mabilisang orientation.
Muli niyang sinulyapan ang relos at nakitang lumipas pa ang dalawang minuto. Wala na siyang maisip na gawin sa mga nalalabing oras. Binilinan na lang sila ng tumatayong trainor nila na basahin at aralin ang vision and mission ng kumpaniya.
Pero nawawala ang focus niya sa pagbabasa.
“Saan ka nga pala umuuwi, Darrina?” ang tanong na umuntag sa pananahimik niya.
Nilingon niya si Stephanie na isa ring intern at estudyante sa West Hills Colleges. Mestisa ito, olandes ang mahabang buhok at seksi sa suot na mini-skirt, asul na high heels at may n
