NAGISING si Michelle na wala sa tabi niya si Noah. But she didn't care. She didn't even bother to look for him. Alam niyang hindi siya iiwan nito. At siguradong nasa kusina ito at ipinagluluto na naman siya ng almusal.
Apat na araw na rin silang magkasama rito sa resthouse. At walang araw na hindi siya inaalagaan at pinapaligaya ni Noah.
Mula sa almusal hanggang sa hapunan ay ipinagluluto siya nito ng mga paborito niyang pagkain. Pati paglagay niyon sa pinggan ay ang nobyo pa ang gumagawa para kay Michelle. Mayamaya rin siyang sinusubuan. Para talaga siyang prinsesa kung ituring nito.
At labis iyong nagpapakilig sa dalaga. Dahil lalo niyang napatunayan na talagang mahal siya ni Noah.
Hindi lang puso niya ang pinapasaya nito. Gabi-gabi ay walang palya na hinahatid siya nito sa langit
