DISMAYADO si Noah nang makarating siya sa restaurant na sarado na. Sabagay, mag-a-alas onse na ng gabi. Kanina pa tapos ang pina-reserve niyang oras.
Teka... Bakit ba niya iyon pinoproblema? 'Di ba nga, nananaginip lang naman siya?
Pero kung panaginip nga lang ito, kailan ito nangyari? Sa MnM pizza? O baka naman sa jeep habang nagbabiyahe sila papunta rito. Siguradong nakatulog siya habang magkayakap sila ni Michelle.
"Grabe ang nangyaring aksidente kanina sa Kahabaan Road, 'no? Parang imposible nang mabuhay ang mga sakay ng jeep. Pati na rin iyong mga nasagaan."
"Oo nga. Kawawa nga iyong bangkay ng isang lalaki. Kani-kanina lang napansin kasi tumilapon pala sa malayo."
Napatigil sa pag-iisip si Noah nang marinig ang pag-uusap ng dalawang babae na kasama niyang nag-aabang ng jeep sa w
