ILANG beses pang nasundan ang mga karumal-dumal na pagpatay tuwing gabi. Lahat ay katulad na katulad sa sinapit ng unang biktima: warak ang leeg at tila may kagat ng matatalas na pangil, duguan, at halos natuyuan na ng dugo sa sobrang putla ng balat.
Ngunit hanggang ngayon ay malabo pa rin ang findings ng autopsy tungkol sa pagkamatay ng mga biktima. Walang makuhang malinaw na ebidensiya ang mga pulis na magtuturo sa posibleng suspek.
Nang dahil sa sunod-sunod na patayang nagaganap kaya ang konklusyon nila, hindi ordinaryong krimen lang ang nangyayari. Ayon sa mga netizen, posibleng sindikato, kulto, aswang, o mga bampira raw ang may kagagawan. Samantalang psycho killer naman ang pinakasuspek ng pulisya.
Minsan, sa tuwing nakikita ni Noah ang mga biktima, parang may bumubulong sa kan
