MALIWANAG ang buwan nang lumabas si Noah mula sa malaking gate ng bahay nina Michelle. Nakatulog din siya sa tabi nito at alas onse y media na nang magising sila pareho. Ilang sandali pa silang naglambingan bago siya nagpaalam na uuwi na.
Kung puwede lang na huwag nang matapos ang sandaling iyon, na nasa mga bisig niya ito at malaya niyang nahahalikan ang malambot nitong buhok. Kapwa pinapakinggan ang malakas na t***k ng kanilang mga puso at walang kasawaan na nagbubulungan nang matatamis na salita.
Ah, napakasarap. Iyong tipong gusto mo nang patigilin ang oras at manatali na lang sa sandaling iyon.
Noon lang naranasan ni Noah ang mga bagay na iyon. Wala ni isa sa mga naging girlfriend niya ang nakapagpadama sa kaniya ng ganoon. Kahit iyong panghuli niya noon na ilang beses niyang nak
