NAKANGITING pinagmamasdan ni Wallace si Selena habang kinakausap ang mga client nito na mayroong ibang lahi. Natupad na kasi ang pangarap ni Selena na maging isang sikat na painter. Nang magpunta sila sa ibang bansa, doon sinimulan ni Selena na tuparin ang pangarap niya. Maraming namangha sa galing ni Selena sa pagpinta. At ang kalimitang kliyente niya ay mag- asawa o magkasintahan. Kung saan nagpapapinta ito ng kanilang mga larawan. Kuhang- kuha ni Selena kung ano ang nasa larawan na ibinigay ng kliyente at mas may buhay pa nga ito.
"Selena...kumusta? May laway ka pa ba?" biro ni Wallace nang lapitan niya si Selena.
Mahinang tumawa si Selena. "Malapit na nga maubusan. Nakakatuwa dahil ang daming gustong magpapinta sa akin. Ang saya lang kasi dati... pinangarap ko lang ito eh. Tapos ngay
