"Salamat, Tristan. Nabigla talaga ako kanina sa inasal ni Jerrick. Hindi ko akalain na magagalit siya ng ganoon. Pero kasi naman...hindi ko talaga siya gusto. Hindi ko alam kung bakit pinagpipilitan niya sa akin ang sarili niya. Parang baliw na nga akong lalaking 'yon. Kung hindi lang talaga magkaibigan ang mga magulang namin, matagal ko ng nilayuan ang lalaking 'yon. Hindi kasi ako komportable sa kaniya," pagkukuwento ni Zeniah.
Tumitig sa kaniya si Tristan. "Bakit? Hindi ba siya ganoon sa iyo?"
Umiling si Zeniah. "Hindi. Palagi siyang nakangiti. Palaging malambing ang boses niya. Pero basta, iba kasi ang awra niya. Iba ang pakiramdam ko kapag nandiyan siya."
Bumuntong hininga si Tristan. "Kung ganoon ang nararamdaman mo sa lalaking 'yon, baka may kakaiba sa kaniya."
Kumunot ang noo n
