Dalawang buwan matapos ikasal nila Tristan at Zeniah, umalis patungong ibang bansa ang mga magulang ni Zeniah para magliw- aliw. Kaya naman si Zeniah na lang ulit ang naiwan sa kanilang mga negosyo pati na kompanya. Ngunit katuwang naman niya si Tristan sa pagma- manage nito.
"Ayos ka lang ba, mahal ko?" tanong ni Tristan kay Zeniah nang mapansin niyang tila hindi maganda ang lagay nito.
Napakagat labi si Zeniah sabay hawak sa kaniyang sintido. "Hindi ko alam. Kahapon pa ako nahihilo. Parang gusto ko na nga lang matulog buong maghapon. Natatamad akong kumilos ngayon," sambit ni Zeniah sabay hawak sa kaniyang sintido.
"Gusto mo bang ihatid na muna kita sa bahay?" tanong ni Tristan sa kaniya.
Umiling si Zeniah. "Huwag na. Dito na muna ako. Dito na lang muna matutulog," sabi ni Zeniah s
