Hindi makapaniwala si Xian sa kaniyang narinig. Akala kasi talaga niya ay mayroong bago na si Selena. Na natikman na ng iba ang kaniyang asawa. Pero nagkamali siya dahil walang ibang lalaking nakagalaw kay Selena kahit na hindi sila magkasamang dalawa.
"Asawa ko...sigurado ka ba diyan sa sinasabi mo? Hindi mo ba talaga bago ang lalaking 'yon? Pero siya ang kasama mo, 'di ba? Nang umuwi ka dito sa Pinas? Ibig sabihin...siya ang kasama mo doon habang nasa ibang bansa ka..." sambit ni Xian sabay lunok ng kaniyang laway.
Tipid na ngumiti si Selena at saka hinaplos sa pisngi si Xian. "Oo siya nga. Siya ang nandiyan para sa akin noong panahong nag- iisa ako, malungkot at nasasaktan. Hindi naman niya sinasadyang mahulog sa akin pero sinabi ko na kaagad sa kaniya na kahit naging magulo man tayon
