(Alisson)
"Saan ba tayo pupunta?" napatanong na ako kay Ethan nang medyo malayo- layo na ang ibinibyahe namin at medyo nasa liblib na itong tinahak naming daan.
"Saan pa? Sa bahay natin."
"Wala tayong bahay Ethan." taas kilay kong sambit.
"Meron na ngayon. Si mommy mismo ang nag- asikaso sa construction habang nandun ako sa Paris, nag- aaral at nagtatrabaho."
Hindi ko na pinansin ang kanyang sinabi. Ang gusto ko lang ngayon ay ang matapos na itong usapan namin. Kaswal ko lang syang pakisamahan at hindi na ako dapat mag- usisa pa sa personal nyang buhay.
Nanatili akong tahimik habang inaaliw ang aking sarili sa kung ano't anong magagandang halaman ang nakikita ko sa paligid.
Maya't maya lang pumasok ang kotse sa isang malaking gate, may tatlong security guard ang nakabantay sa gate.
