“FRANCIS!”
Mabilis ang ginawang paglingon ni Francis nang marinig ang ang pamilyar na boses na iyon ng babae.
“Damn!” napamura siya nang makita sina Laida at Maita na naroon. Nakasuot ang mga ito ng sleeveless na damit at maikling shorts na kabaligtaran ng suot ni Roxanne at ng kaniyang mga tauhan. Napalinga sa paligid si Francis at hindi nakaligtas sa mga mata niya ang pagtataka ng ilang mga tauhan niya nang tawagin siya ni Laida sa totoong pangalan niya. But who cares? He didn’t want to pretend anymore. Hindi rin naman niya kailangang paliwanag ang sarili sa mga ito. Alam na ni Bella ang lihim niya at wala ng dahilan para ilihim pa niya iyon sa iba.
Mabilis na lumapit sa kaniya ang magkapatid. Napataas kilay si Roxanne nang makita ang dalawa at nakita rin niyang kahit si Bella ay n
