PALABAS na si Bella sa kusina at pauwi na sana sa kubo nilang mag-ina nang tawagin siya ni Laida. Nakita niyang nilingon siya ng kaniyang ina na si Miranda at iminuwestra na lang niyang mauna na ito.
Bumalik si Bella sa kusina at lumapit sa magkapatid na matatalim ang tinging ipinupukol sa kaniya. Kahit walang ideya kung bakit pa siya tinawag ng mga ito gayong tapos na ang trabaho niya ay lumapit pa rin siya. Marahil ay may nakalimutang iutos.
“Bakit po, senyorita?” tanong ni Bella.
Mabilis siyang nilapitan ni Laida at mahigpit na hinawakan sa braso patungo sa tabi ng lababo. Padarag siya nitong binitawan. Nakaawang ang bibig ni Bella dahil sa pagkabigla. Hindi niya malaman kung ano ang sasabihin. Ano na naman ba ang kasalanan niya?
“Sino ka ba sa tingin mo, Bella?” galit na wika ni
