ARAW ng sabado nang magpasya si Roxanne na umuwi sa Iloilo. Nakahanda na ang lahat ng gamit niya at may ipinadala na rin si Francis sa kaniya na mga pasalubong para kay Zea at sa mga kaibigan nila. Byernes pa lang kung kayaay isang araw at isang gabi pa silang magkasama ng kaibigan.
“Tumawag na sa akin si Win. Mayamaya lang ay nandito na siya para sunduin ka.”
Tipid ang ngiting hinarap ni Roxanne ang kaibigan. Naroon sila sa living room at hinihintay ang tawag ni Win. “Hindi mo na sana inabala si Win, Fran. Kaya ko namang umuwi nang mag-isa.”
“Hindi ako papayag na mag-isa kang uuwi bukas, Roxanne.”
Napalabi ang dalaga. “Sasabihin na naman ng lalaking iyon na kapag bakasyon ay hindi ako nagyaya tapos nang uuwi na magpapasundo pa.”
“Tssk. Si Jus sana ang susundo sa ‘yo pero hindi r
