Humarap sa salamin si Miracle habang tinitingan ang itsura niya. Nakasuot siya ng simpleng longsleeve, itim na vest at itim na pants. Mukha naman na siyang presentable sa paningin ng iba kaya napatingin siya. Nakatali na rin ng maayos ang buhok niya para maiwasan ang pag lipad ng mga hibla pag nagta-trabaho na siya.
Sa open area kasi ng beach gaganapin ang party at sa panahon ngayon ay mahangin tuwing gabi.
"Mommy, where are you going? Can I come po?" Niyakap siya ni Chaleb sa hita. Agad siyang yumuko at binuhat ito.
Napangiwi siya nang maramdaman ang kabigatan nito. Sa totoo lang ay sa edad nito ay napakatangkad at mabigat ang anak niya, parang hindi nag mana sa kaniya. Mature rin ito mag isip at matalino na para sa edad na mag li-limang taon.
"Mag t-trabaho si mommy. Birthday mo
