────⊱⁜⊰────
Alas nueve na ng gabi. Magkakaharap na ang mag-pipinsang Hendrickson sa naglalagablab na malaking apoy na nakatulos sa gitna nila. Maraming alak ang nakapatong sa isang cooler na puno ng iyelo habang may malakas na musika ang umaalingawngaw sa paligid.
Habang masaya silang nag-iinuman ay may mga kababaihan naman ang naglalakad na lumapit sa kanila. Napangisi ang magpipinsan ng makita nila ang mga mukha nito sa liwanag ng apoy. Magaganda ang mga babaeng lumapit sa kanila at sa hubog ng katawan ay hindi patatalo sa mga nag-gagandahang modelo. Mabilis nilang pinaupo ang mga ito sa nakatumbang kahoy at inabutan nila ng alak.
"Hi!" bati kay Dazzle ng isang magandang babae. Tumungo lamang si Dazzle ng isang pagbati at muling tumungga ng alak na hindi binibigyan ng pansin ang babae
