Kinabukasan, dinala nga ni Ayen ang regalo ko para kay Aga. Binilihan ko siya ng jacket para may magagamit siya tuwing gabi. Dahil minsan malamig sa gabi, at wala naman ako palagi para yakapin siya. Char! Agad ko naman iyong inayos sa isang paper bag, at naglagay rin ako ng card. Habang ginagawa ko iyon ay hindi ko namalayan ang paglapit ni Tere.
“Wow! Ano iyan, card? Sinong may birthday?” tanong niya sa akin.
Napaka tsismosa talaga kahit kailan. Alam ko na rin na siya ang nagsabi sa office nang tungkol sa amin ni Aga. Paano ko nalaman? Sinabi lang naman sa akin ng isang area manager na malapit sa akin. Kaya hindi ako nagtitiwala rito. Nginitian ko siya saka sumagot.
“Opo Ma’am. Card for special someone,” maikling wika ko na lang.
“Wow, ang sweet mo naman Ma’am. Pabasa naman!” Akmang
