Lalabas na sana si Zach sa kwarto ng dalaga nang bigla itong gumalaw at magsalita.
"Zach, bat mo ba ako pinapahirapan ng ganito? Hindi ko na kayang itago pa ang nararamdaman ko para sa'yo, hindi si Gab ang gusto ko kung 'di ikaw," lasing nitong sabi.
Nakangiting lumapit muli ang binata sa tabi ni Nikki at umupo nang patagilid habang ang siko nito ay nakatukod sa may ulunan ng dalaga. Masuyo nitong hinaplos ang mukha ng dalaga at hinalikan sa noo.
"I like you too, Nikki. Hindi lang gusto kundi mahal na kita," sagot ni Zach sa dalagang mahimbing na natutulog.
Gumalaw si Nikki at napayakap siya sa binata na animo'y unan ang kayakap. Walang nagawa si Zach kung 'di tumabi na lang ng higa sa dalaga.
Hindi rin naman siya makakaalis nang basta-basta lalo na at mahigpit ang pagkayakap sa kany
