Imbes na sumama sila sa paghahabol kay David, naisipan nina Xander at Alhea na pumasok sa kwarto para malaman kung sino ang nandito sa hospital.
Kumatok si Alhea sa pinto at nang may magsalita ay agad sipang pumasok.
Pagpasok nila, nakita nila ang isang babae na nakahiga sa isang kama. May dextrose na nakakabit sa kanya. Maputla ang kulay ng babae na halatang nasa malubhang kalagayan.
Ngumiti ang babae sa kanilang dalawa at nagtanong.
" Ano ang kailangan nila? " tanong ng babae sa kanilang dalawa.
Nagkatinginan si Xander at Alhea. Lumapit silang dalawa sa babae na may pilit na ngiti at nagpakilalang mga kaibigan ni David.
" Mga kaibigan kayo ni David? " nagtatakang tanong ng babae sa kanila.
" Opo, ma'am, " maikling sagot ni Alhea sa kanya.
" Ngayon lang may bumisita sa aki
