Before The Night Ends (TAGALOG)

CHAPTER 1

"Sunod na anggulo! Liyad pa sa kaliwa Brazeal! Iyan perfect! Napakaganda talaga!" puri sa akin ng photographer in-charge ngayon. 

Sunodsunod ang ginawa kong pagpopost sa iba't ibang anggulo. Nagsuot ako ng mga pang disyerto na damit at mayroon ding formal. Isa akong supermodel dito sa Daty Magazines. Isa siyang sikat na brand ng damit. Isa ako sa mga sikat na modelo nila at madalas malagay ang mga litrato ko sa front magazine na binibenta rin sa ibang bansa. Hindi na rin iba sa akin ang sunod-sunod na interviews. 

"Okay, cut! Tapos na tayo ng shoot! Good job Brazeal. Comeback tomorrow for the short interview bago ang release ng magazine next week. I-interview-hin kasi ang mga top models natin," bilin ni Mr. Cortez. 

"Yes, Mr. Cortez. Noted po," nakangiti kong sagot. Inalalayan naman ako ng personal assistant kong si Shane papunta sa dressing room. Kinuha niya ako ng isang longsleeve dress at strap heels. Kailangan maganda ako sa lahat ng oras at sexy pero maayos tingnan. Iyon ang puhunan ko sa pagiging isang supermodel. 

Lumabas kami ng building ng Daty Magazines. Kaagad akong inalalayan ni Shane papunta sa kotse kong Subaru. Nagmaneho naman agad ang driver ko papunta sa aking condo. Medyo pagod na ako ngayon dahil sa photoshoot namin. 

Pagkauwi ko sa aking condo ay agad akong naligo at nagpalit ng damit. Pumwesto naman agad ako sa aking working table at binuksan ang laptop ko. I am already 27 at wala pa rin akong asawa. I am currently single pero nagkaroon naman ako noon ng boyfriend kaso iniwan lang din ako. They loved me because of my profile and money, not really because of who I am. 

Pumunta naman ako sa Microsoft Store para tingnan ang sinabi ni Shane na app. Iyon daw ang ginagamit niyang app dati kung saan niya nakilala ang long time boyfriend niya ngayon na si Philip. Magta tatlong taon na sila ngayon at balak na rin magpakasal soon, what a lovely couple. 

Habang nagdodownload ang app ay kumuha muna ako ng makakain sa refrigerator. Kumuha lang ako ng isang strawberry yoghurt at isang basong tubig. Hindi dapat ako kumain ng pagkaing mataas sa carbs dahil kailangan naming imaintain ang magandang katawan. 

Pagkabalik ko sa aking working table ay nagdownload na pala ito. Agad naman akong nagsign-in at gumawa ng account. Ginamit ko ang nickname kong 'Binay' na tanging mga close ko lamang ang tumatawag sa akin. 

"Mate, nice app and graphics. Sana nga lang ay dito ko na makita ang true love ko," natatawa kong sabi. 

Kulay blue ang theme color nito at parang inspired ng mga wolf ang design dahil na rin siguro sa pangalan ng app na Mate. Pumili naman ako ng isang profile picture kung saan nakatalikod ako at tanging mula braso lamang at likod ng ulo ko ang kita. I am afraid na makita nila ang totoong ako. Searching for someone na may maichachat, nakahanap naman ako ng isang kumuha ng interes ko. Pareho kami ng profile picture na nakatalikod. Agad naman akong nagsend ng hi sa kaniya. 

Poseidon_18 ang username niya habang sa akin ay simpleng Binay lamang. Napanguso pa ako dahil ang tagal nitong magreply. Excited pa naman akong makausap ito. Ayaw ko namang humanap ng ibang maichachat. At saka disente rin naman ang mga makikilala ko rito hindi katulad ng ibang dating app na may mga scammer. Limited lang ang kayang magpurchase ng Mate App. Free 1-week trial pa ang gamit ko pero nasa 200usd per month ito! 

Magbobrowse na sana ako sa aking f******k account nang mapansin kong naghello na pala si Poseidon_18. Abot tenga naman ang ngiti ko at nagreply. 

"How are you? Are you a Filipino?" pagbanggit ko sa aking itinatype. 

Mabilis na itong nagreply ngayon. Napangiti naman ako dahil sa sagot niya. 

Poseidon_18: Yes, I am. A half specifically. Where are you from? Sa Parañaque ako nakatira. How old are you by the way? 

Kinikilig ako sa paraan nito ng pagchachat. His way of writing, nakakaturn-on! I love those kind of men na clean magtype at hindi jeje. 

Hindi ko alam kung bakit gusto kong binabanggit ang sasabihin ko. Para siguro dama ko ang sinasabi ko. This is the first time na lalandi ako thru an app. 

"Sa Metro Manila lang ako. I am also a Filipino, only 27 hehe. Are you single?" kinikilig ko pang banggit sa tinatype ko. 

Poseidon_18: Typing... 

Inintay ko naman ang chat niya. Natutuwa ako dahil mukhang interesado kami sa isa't isa. "Yeah, I am single for a couple of years. I am already 30 but that is a good age gap for us. Do you mind if I ask your name?" basa ko sa tanong niya. 

Inisip kong mabuti kung ibibigay ko ang pangalan ko. In the end, napag-isipin kong huwag na lamang. Nahihiya ako at saka hindi pa kami magkakilala. Baka rin kilala niya ako dahil sa mga billboard ko sa Edsa. 

Binay: You can call me Binay. I'm sorry, I can't give you my name hehe. 

Inintay ko naman ang reply nito pero mukhang natagalan na. Baka hindi na interesado sa akin dahil ayaw kong ibigay ang pangalan ko. Napalabi na lamang ako. 

Napahikab naman ako dahil sa antok at pagod kanina. Mukhang kailangan ko na agad magbeauty rest. Pinatay ko na muna ang laptop ko at bukas na lang ulit kami mag-uusap. Inexpect kong mabilis siyang makakareply pero hindi. Hindi naman sa disappointed ako, ang demanding ko naman. 

Naglagay na ako ng sleeping mask sa mukha. Makakatulong ito para mapanatili ang aking flawless and glass skin. Staying hydrated can also make you more flawless kaya mahilig akong uminom ng tubig. No to sodas and juices dahil pwede pa ako roon makakuha ng sakit. 

Pumwesto na ako sa kama at hininaan ang aircon. Nangangatog na kasi ako sa lamig. Napahikab na lamang ako at naglagay ng cucumber sa magkabilang mata. 

"Time to rest," mahinang sabi ko bago tuluyan nang matulog.