RYSHA'S POV
Natapos ang weekend na hindi ako pinapansin ni Throy. Tanging si Michael lang ang kumakausap sa akin kahapon na halos maghapon yatang nakatambay sa bahay. Bumalik na rin ang alaala ni Miya na ikinatawa naming lahat. Kasabay ng pagbawi ng gem ko ang pagbabalik ng alaala niya, patunay na biniktima ni Audrey si Miya. At masaya ako na bumalik na rin ang dating samahan nina Tita Riya at Miya. Hindi na rin halos mapaghiwalay ang silang dalawa. Doon na din natutulog si Miya sa kwarto nina Tita Riya dahil pansamantalang nakatuloy ako sa kwarto niya. Wala naman daw problema iyon dahil binabawi rin naman nila ang mga panahong nasayang noong magkahiwalay sila.
Tatlong gem na ang nasa pangangalaga ko. Siyam na lang at makakabalik na ulit ako sa Psyche World. Nami-miss ko na sina Mommy ka
