RYSHA'S POV
"Ate Rysha."
Napatingin ako kay Akeeyan na nakasilip sa may pintuan ng kwarto ko. "Yes?"
Pumasok sa kwarto ko ang kapatid ko at agad akong niyakap. Kahit madalas kaming magtalong dalawa ay alam kong nalulungkot siya sa pansamantalang pag-alis ko. Nalulungkot din ako dahil ito ang unang pagkakataon na mahihiwalay ako sa pamilya ko. Ipinaliwanag naman na sa akin nina Mommy at Daddy ang lahat kaya naiintindihan ko kung bakit kailangan kong gawin ito. Pinaghalong takot, kaba at excitement ang nararamdaman ko ngayon.
"Mag-iingat ka doon ate," seryosong sabi sa akin ni Akeeyan.
"Oo naman. Ako pa ba. Habang wala ako, ikaw na muna ang bahala kina Mommy at Daddy," pagbibilin ko.
"Yes ate. And may isang favor sana ako," nakangiti niyang sabi sa akin.
Umirap naman ako. "Ano 'yun?"
