AKEESHA'S POV
"Siguradong matutuwa ang buong barkada sa pinamili natin. Huwag lang sana ulit tayong makakatulog," pabirong sabi ni Ryan.
Medyo na-guilty ako sa sinabing iyon ni Ryan. Hindi pa naman kasi talaga dapat sila makakatulog kung hindi dumating ang mga magulang ko. Maski ako nga yata ay pinatulog ni Papa dahil wala na akong ibang maalala simula nang tinawag ko siyang papa. Marahil ay kailangan na nilang bumalik sa Psyche World kaya pinatulog na rin nila ako.
Naudlot tuloy ang tangkang pag-amin ni John kay Athena. Kaya naman napagpasyahan naming umalis muna upang mabigyan ng oras 'yung dalawa para mag-usap.
"Sa tingin mo, nakaamin na kaya si John?" biglang tanong ni Ryan sa akin.
"Hindi ko alam. Ang tagal niyang nag-ipon ng lakas ng loob para umamin kagabi kaya paniguradong mah
