حلال ممنوع

رحيل جمال الابدي

حلال_ممنوع

بارت١٦

نورا ناصر..

رحت وراهم طليت من الباب

شفت جمال ديفك هيا من ايدين كمال

الي نازل بيها ض*ب ومعصب كلش ..

اخذها جمال منه وخلاها ورة ظهره

صاح بي .. كافي كمال خل نفتهم ..

هيا واكفه وره جمال محتمية بي

اجت عيني بعينها حسيت بيها ندم ..

كمال بايده تليفون هيا وخلا كبال وجه جمال

لك شوف التليفون شوف ويامن تحجي من ورانه ..

جمال اخذه منه وظل يباوع بي

كمال كمل كلامه لك كمشتها تحجي ويا بسيم اخو زوج منال يعني مافاكه الاخت مو كنالهه ميفيدج اله ادفنها يلله يفيد وياها ..

جمال ركز بالتليفون شويه واندار عليها خزرها خزره تخوف

كمزت من وراه صارت ورايه لزمتني من كتفي

كالت .. فاتن عفيه ..

اخذتها وركض للغرفة ..

ظليت اباوعلها رفعت عينها عليه

كالت فاتن الله يخليج بدون هالنظرات ..

جاوبتها شعلي بيج اني ..

بعد هذا اليوم انسحب التليفون من هيا

وايضا اتصلوا بزوج منال واهله وحجوا عليهم

راسا اجو خطبوها وجان الكل رافض ..

بس هي مخلت شي مسوته

كطعت الاكل فد مره وقفلت عليها باب غرفتها

وطردت سلوى منها ..

ومن شافت ماكو نتيجة

نفذت محاولة انتحار فاشلة

قطعت الوريد مالتها

ركضوا بيها للمستشفى ..

اجتمعوا كلهم ووافقوا ع الخطوبه

اجه بسيم من امريكا

وكال الهم هي خطوبه وهي زواج بنفس الشهر لان ميكدر يطول اكثر ..

عقدوا العقد الشرعي بالتليفون ..

ومن اجه سوو حفلة خطوبة

وبعد اسبوع تقريبا سوو العرس جان كل شي باستعجال هوايه ضغطت عليهم هيا وهم تعبوا منها رادوا ينطوها ويخلصون دنشوف تاليها ..

اوهمهم انه ممكمل مستمسكاته وميلحك هسه يعقد محكمة راعوا ضرفه واكتفوا بس بالعقد الشرعي..

وتزوجت هيا بقى وياها اسبوعين وسافر وهي رجعت يمنه بس كلش ضايجه ونهار كله كالبة الخلقة

وتتعارك ويا بالتليفون على شنو مندري ..

اما معتز فلي عرفنا عنه من خلال الحديث بالبيت انو منتقل لمدينة ثانية ومطلق مرته ومتزوج وحدة ثانية بنفس عمره وحامل .. ويرفض يجي للعراق شكد امه توسلت بي ميقبل ..

ولدت مرته وجابت بنيه مسميها بيتا ..

ومرة من المرات هيا سمعتني كلام كالت الي معتز كله يصيح لبنته بطه ..

مااعرف شون ارتبكت بلحظتها كلش وصحت بوجهه واني شكوو ..

تقربت مني وكالت انت السبب ميجي معتز للعراق

خزرتها كلت الها حجايه ثانيه اكول لجمال عليج ..

سكتت وراحت عفيه معتز شكو تصيح لبنتك بطه ..

هالاسماء كلها اله بطه

رجل هيا بقى ٨اشهر بامريكا وهي طكت روحها تطلع الظيم بينا .. لحد ماحاجو زوج منال يلله قبل يجي وراحت ويا لبيت اهله ..

مدة شهرين ورجعت لاهلها وجمال كلش مجان عاجبه وضعها ..

الى ان مدة اكتشفت نفسها حامل ..

بس جانت حيل تعبانه واظاهر اكو مشاكل ويا زوجها بس متحجي ..

فد يوم عن طريق الخطأ سمعتها ومجان بقصدي اتصنت تكول لمنال بسيم يكولي وكعي الطفل مااريده ويريد يطلك كولي لحازم رجلج خلي يحاجي وانوب حتى عقد محكمة مو عاقدين شلون راح اطلعله جنسية ..

منال .. عزاا انت مو كلتي عقدنه مو سالج كمال وبابا ؟

هيا .. هو كلي هيج خاف يسالوج لان مااكدر اعقد هسه ..

منال .. لتحجين شي لاهلي هسه بينما نشوف حل مالي خلك مشاكل وانوب اخوانج يهدون على حازم وتصير مشاكل ..

فاتن .. ظليت محتارة اكول لجمال او لا بعدها سكتت ..

مرة مدة ال٩اشهر وهيا في حاله يرثى لها الحيرة ماخذه من ملامحها هواي ..

صارت عدها الام خفيفة

سألوها عن عقد الزواج وهنانه اعترفت الهم

وكام الصياح والعياط

وعمه تصيح مو وكته وعمو تخربط ووكع

وكمال وجمال احتاروا ..

طكت هيا من البجي وحجت كل شي

كالت الهم هو ميريد هاي البنيه الي ابطني ومن بداية حملي كلي وكعيها بس انت اتمسكت بيها وردتها

بعدها هو اعترف كل شي كال اني ردتج زوجة الي بالعراق من اجي ابقى يمج

مااكدر اخذج لامريكا واني متزوج

وهناك قانون يمنع تعدد الزواجات وكايل الها مية مرة اخذي احتياطاتج بس هي رادت تلوي ذراعه بالطفلة مجانت تعرف بي هالكد هو نذل ..

جمال .. وليش محجيتي من البداية جان تصرفنا هسه وكتها تحجين ..

هيا .. خفت منكم تلوموني ..

كمال .. والله هسه مال ادفنج انت وبنتج هنا واخلص منج ..

ام كمال .. يمه على كيفك اختك عدها ولادة هيج تحاجيها متخاف يصير بيها شي ..

كمال .. ختولي تستاهل ..

جمال .. فاتن روحي جيبي عقد زواجنا الطفلة راح اسجلها باسمي ..

فاتن .. رحت جبت اله عقد الزواج

جابت هيا بنيه سمتها دينا بس باسمي وباسم جمال وتطلكت من بسيم غيابيا وكعدت تعض اصبع الندم .وع طول مكتئبة .

ومرت الايام سنة ٢٠٠٩ولدت ابني الثاني ابراهيم ..

عادل بعد تخرجه وماكو تعيين ظل يشتغل بسيارة وبعدها اشتره سياره اكبر يوصل بيها خط طلاب وموضفين ..

وظل ينطي طلاب دروس خصوصية ..

دائما اروح الهم اني خاصة بعد ماشال زهير لبيت وحده

يوم منهن رحت يمهم ..

صاحني عادل تعالي اكولج شي ..

رحت يمه

عادل .. تدرين ام حسيون عمي اجاني يريدني اتزوج هيا لان متقدم الها شخص ..

فاتن .. ياصدك وشنو كتله ؟

عادل .. كتله مااريدها شنو اكوله بعد نوب كلي الك سلوى ماانطي بناتي للغريب بعد ..

فاتن ..يااا

عادل .. والله وهم كتله مااريدها اني داجمع فلوس لعلاج ابويه تعبان كلش ضروري اطلعه ومومال اتزوج هسة شايلها الفكرة من بالي ..

فاتن .. تره سلوى حبابة وفقيرة والله مو مثل هيا ، لو انت ابالك وحدة ثانية .

عادل .. لا ابد ماكو وحدة معينة بس كتلج على الضروف الراهنة متسمح والزواج مسؤؤلية ..

فاتن .. ع راحتك ربي يسعدك واني هم راح اساعدك بعلاج ابويه من مصرفي الي ينطيني جمال كل شهر ..

عادل .. لالا اني اكدر خليج انت عندج جهال ومحتاجين مصاريف وهذا واجبي اني ..

فاتن .. ميخالف اساعد بلي اكدر عليه واني هم بنته واله حق عليه ..

دخلت امي .. هااعدكم اجتماع ..

فاتن .. ماما شنو رايج نخطب سلوى لعادل ..

امي .. لا ماما خاف هم ماتريدنه مثل اختها

فاتن .. سلوى مو مثل هيا متشوفين قوالب الكيك الي تسويها العادل من يقريهه وتنجح ..

عادل .. لعد ليش مكلتي على هيا هالحجي من البداية

فاتن .. اني شمعرفني بيك تريدها ماشفت اله امي وابويه اجوي يخطبوها ..

عادل .. بهاي حقج ..

فاتن .. اني اروح محتاجين شي ..

امي .. سلامتج حبيبة عينج ع الجهال ..

اخذت الجهال وطلعت اكود بحسن وشايله اموري ..

وصلت للبيت شاف*ني سلوى اخذت مني حسن تلعبه

واني صعدت للغرفه انوم امير حتى انزل اسوي عشا

دخلت للغرفة شفت تليفون جمال صار مقابيلي

اخذته بيدي ورحت كعدت ع السرير خليت اموري على ص*ري وظليت ابحوش بفون جمال

دورت بالمكالمات شفت مكالمه واردة من تغريد

خرب غيرتها شون وياها هاي

نام امير خليته بكريكوته وظليت بعد ابحوش بالموبايل

دقايق ودخل جمال لاف منشفه على خصره

باوعلي

كتله هاا شو جاي وكت ..

باوعلي كال ارجع ؟؟

شنوو هاي جمال ؟؟

دار وجهه ع الكنتور وظل يطلع اله ملابس كال شنو اكتشفتي ..

شعندك ويا تغريد تتصل بيها ..

اولا صوتج ليكعد الطفل ثانيا بيدج الفون وشوفي منو المتصل بمنوو

هي متصلة وانت مجاوبهاا ..

جانت رايده تجيب مرة اخوها تحلل بالمختبر وخابرت اذا مفتحيين او لا كتلها اني بالبيت ..

شمرت التليفون ع جرباية

خليت ايدي على راسي كتلها هااي شنووو متممل وراح تموتنييي ..

صاح بعصبية اعصابج مو الطفل نايم شجاج

عبست بوجهه

اجه يمي كال فديت الغيور اني وباسني من خدي

كال وهسه شون ارضيج ..

اني مااريد تراضيني اريد تشوف عريس لتغريد

نايمه على كلبج عوفيها ..

مااريد اشوف رقمها بتليفونك ..

تدللين انوب اكوللها لتتصلين بيه مرتي تغار

وضحك بخبث وبنظرات شيطانيه وكمل بس اني اتصل بيج ..

قربت حلكي من ذراعه وعضيت لزمني من خصري وباسني بركبتي ظل يباوع عليه كال مو توه سابح ليش توازيني عليج ..

كتله يعني ماتكدر تسبح مره ثانية ..

اذا الج اكدر

لعد منووو غيري

ضحك ووو ...

مرت ايام صارت اكبر مخاوفي تغريد

كنت خايفه لاتاخذ جمال مني

وظليت نهار ليل افكر وادعي كون تتزوج واخلص منها ..

هيا تزوجت وبقت بنتها يمنه

عادل اخذ ابويه للخارج وشخصوا حالته لان باخير ايام

جان تعبان حتى ميكدر يكعد . .

بعد فترة خطب سلوى وتزوجوا ..

كمال عزل بيت وحده وبقى البيت بس النا ..

اما معتز فلي سمعته عنه انو طلق مرته ..

وبسبب مخاوفي من تغريد فكرت اسوي طفل ثالث شفت نفسي مو تعبانه هواي من الاطفال

لان اغلب الوقت حسن لو يم امي وسلوى كلش تحبه او يم عمتي وبنت هيا دينا يلعبون سوة ..

وحسن هادىء وميتعب ..

وفعلا بيوم الي تاكدت انو اني حامل

صعدت لجمال للغرفه جان وقت مغرب

متمدد ع جرباية

كتله مشتهيه فراوله

صفن بوجهي خيير

كتله تراااا اني حامل

انتفض من مكانه شنووو معقولة صدك تحجين انت

اي غير تاخذين حذر ياعيني ..

اي شبيك شدعووة عليك قابل بس اني سويته ..

مو جايبلج حب مانع ليش ماللتزمتي بي ..

التزمت بس هو اظاهر مغشوش ..

مغشوش مغشووش اي طبعا تذبين صوج بالحبوب لو ماانت مهملة ..

وهسه شصار متكولي شصار ؟-

لج اريد اشبع منج ولج ..

اني انظم وقتي ومااقسر وياك والله وايام الله هواي ونلحك ..

كام من مكانه متذمر ولبس ملابسه وطلع

كلت اوو هسه اني صدك بعده ابني سنه ونص عمره ..

يلله هو هم رزق ..

نزلت رحت جبت امير من يم امي

كلت خلي اسبحه واوكله وانومه وكت حتى اسوي النا جو مال سهرة حتى ليكول مقصرة وياي ..

سبحت اموري وكعدت اوكله بالمطبخ قبلنه لان يخبص نفسه من نكعد ع الاكل ..

لشوية دخل جمال بيده علبه

اجه كعد يمي

بوس امير الي وكف على حيله وجلب برقبة ابو

الي بدوره بوسه ..

انطاني العلبه وجر ايدي وباسها ابطنها

كال وهاي الفراوله لاحلى ام

ضحكت بوجهه ..

كمل .. دري بالج على نفسج لا كل شوي صاعدة فوك ونازله جوة وركض وره الجهال ..

اني بس اضحك

كتله صار اي اوامر ثانيه

كال ياريت تسوينها بنيه حتى نقفله

ضحكت بصوت عالي وبسته بخده بوسني من راسي وخدي وايدي ..

ولدت بس مجانت بنيه ع** رغبتنا

ولد ثالث سماه عزيز ..

مرت الايام .. صار النا ٧سنوات متزوجين ..

مره نايمه يمه كال بطه راح اموت

كمت من يمه كتله اسم الله ..

كال اريد احاجي معتز واصالحه تعبت

قهرني يحجي وعيونه مدمعه

كتله ماجربت

كال جربت من سمع صوتي سداه بوجهي اني لازم اخلي يرضى عني ..

جريته الص*ري والعب ب*عره

واني بس افكر ..

اخذت عزوز ورحت يم سلوى

جانت حامل بالسابع لان تاخرت يلله صار عدها حمل ..

كتلها سلوى اريد احاجي معتز من تليفونج .

صفنت بوجهي

كالت ليش ؟

عفيه بس بيني وبينج مااريد احد يعرف

كالت خوش من يتواجد اكولج ..

عاد صدك يومين وخابرتني كالت تعالي للبيت

عفت الجهال نايمين ورحت ركض ..

اول ماشفتها كالت معتز موجود

خو ماكتيله اني اريد احجي ويا ..

لالا ابد ماكلت ..

اخذت تليفونها دك ..

رد عليه اجاني صوته حيييل ولامتغيير هو نفسه

شون مرت كبالي ذكريات قديمه

بعدتها مني

كال هلو سلوى ..

كتله اني فاتن ..

سكت اسمع بس نفسه ..

بعد هواي يلله كال بتكبر نعم ..

كتله معتز مايصير هالكطع انتوا اخوة ..

جاوبني انت اخر وحده تحجين بهالموضوع ..

كتله الغلط غلطك من البداية محد سو سوايتك ..

معتز .. انت شنو جايه تهينيني لو تفتحين دفاتر قديمه ..

فاتن .. لا هاي ولاهاي بس ترة جمال متعذب حييل وانت ابو كلب الجبير رد عليه مايصير تره الدنيا ماتسوه وماتدري الدنيا شضامه النا ..

بعدهه نبرة الغرور بصوته كال صار اي اوامر ثانية

كتله تسلم ماتقصر وسديت التليفون ..

بعددها بايام اجاني جمال طاير من الفرح كال ولج معتز خابرني

صح بعده ضايج مني ورافع خشمه بس اني فرحان كلش ..

كتله ميخالف ويا الوقت ترجعون مثل اول واحسن ..

كال الله يسمع منج ..

صح تصالحوا لكن معتز بقى رافض يرجع للعراق ..

بعد مرور ٨سنوات زواج عشناهه ع الحلوة والمرة سوة جانت ثمرتها ٣اولاد حلوين ..

جنت نايمه على ص*ره ويلعب ب*عري

كلي بطه

عيونها

اريدج تكصين شعرج مثل قبل من جان مثل الولد وويا كذله ..

كمت كتله ليش ..

كال ماادري ليش مشتاق اشوفج مثل قبل

ايام زمان احسها تحوم عليه

من جنتي صغيرة وشعرج ولد ونتناكر اني وياج

ومن جنتي تكعدين يم معتز

عبالك مثل شريط وجاي تنعاد كدامي ..

تني مجنت حاسه بشي بلحظتها

بس رحت للصالون وكصيت شعري مثل ميريد

من اجه وشافه فرح وظل يبوس بيه

يكولي ولاتكبرين

عبالك بعدج ذيج بنت ال١٥سنه ام شعر ولد .

ضحكت والجهال يضحكون عليه يكلولي ماما صايرة ولد ..

وهو ميقبل عليهم يكوللهم لتحجون عليها طالعه

كمر ..

بعدها وبنفس الشهر ..

طلع العصر جمال طلعت وراه وظليت اباوعله لحد مااختفت سيارته

صحيت نفسي يااشجاني ..

خلي ادخل دخلت

باوعت للجهال يلعبون ..

طبيت للمطبخ دااغسل المواعين

جان وكع مني صحن وان**ر ..

شاف*ني عمتي كالت يلله غدا الشر

رحت حاجيت جمال شونك حبيبي بيك شي ..

لا حياتي مابيه دااشتغل قبل المغرب خابريني ع الشغلات الي محتاجتها حتى لاانسى ..

كتله ماشي . .

بين الجهال والشغل صار المغرب

دخلت للمطبخ تذكرت اروح اخابر جمال

رجعت خابرته وصيته ع الشغلات الي محتاجتهن

وحجيت ويا ماجاي اشبع من الحجي ويا اليوم شبيه ياربي ..

سديته منه

رحت كليت بتيته ..

فرغت الزيت الي بالطاوه بكاسة فرفوري

باوعتلها انفشخت بالنص

بدون سبب لو ماموخره رجلي جان وكع الزيت عليه وحركني ..

تذكرت جمال رحت خابرته ماكو مايرد

ظليت الوب

طبيت للهول

عمي وعمتي كاعدين والجهال يمهم

شافني عمي شبيج بنيتي .. سالني

كتله عمو جمال اتصل بي ماكو ..

عمتي .. مو قبل شويه سمعتج تحاجينه ..

جاوبتها اي عمه صار نص ساعه

عمو . خاف نازل يسوك وتارك موبايله بالسيارة ..

جاوبته اي يمكن عموو ..

مااطمنت لكلامهم كلبي بس يلعب ..

شافني اموري

كال شو بابا تاخر شنو بعد ميجي ..

اني جنت كلش قلقة تذكرت من يكولون اخذو فالكم من اطفالكم .. خليت ايدي على حلكه كتله لا يمه اسم الله ..

دك موبايل عمي حسيت كلبي ويا زادت دكاته

.. رحت يمه .. سمعته كال اي اي وبعدها صاااح

ياااجمال يااابوووويه ...

وكعت بالارض .. صار الي مجنت خايفه منه

طول عمري خايفة من تغريد

مجنت خايفه من هاي اللحظه

تركني واني بعز حاجتي اله بعز حبي وجنوني و تعلقي بي ..

راح جمال واخذ ويا فرحتي وسعادتي وكل شي حلو ..

للحكاية بقية اخيرة ٠?????