MATULING LUMIPAS ang mga araw para kay Isabelle. Gumaling na rin ang mga sugat niya. Ngunit ang pilat na iniwan ng kanyang ina ay naroroon pa rin at sariwang sariwa pa. Kahit yata kailan ag hindi na mawawala ang pilat na nilikha ng sariling ina. Gayunpaman, ay hindi naman nawawalan ng pagasa si Isabelle na balang araw ay muli siyang kukunin ng ina kay Mother Hems, tutal alam nito kung nasaan lang siya.
Isang araw, inutusan siya ni Mother Hems na mamalengke. Hindi na siya nito pinamimili sa palengke kung saan siya nagtitinda ng isda dahil ayon dito ay baka may makakilala pa sakaniya. Sinunod na lamang niya ito. Kaya ngayon ay sa ibang palengke siya namimili. Busying busy siya na may magsalita sa likuran niya.
"Isabelle? Isabelle! Ikaw nga! Isabelle," nagulat siya nang bigla siyang yakapin
