AFTER 3 YEARS
"Lintek na bata ka! Nasaan ka na ba talaga? Ako ba'y pinagloloko mo? Baka naman wala ka pa talaga sa airport?!" malakas na pagbubunganga ng ina niyang si Lucresia sakaniya.
Bahagya niya pang inilayo ang cellphone sa tainga niya dahil pakiramdam niya'y nagdugo ang tenga niya sa tila machine gun na bunganga nito.
Bumuntong hininga siya. "Ma, nandito na ako sabi sa airport. Tingin niyo ba, makakatawag kayo saakin kung nasa Melbourne pa ako o nasa himpapawid pa?" natatawang aniya
Narinig niyang napahinga ang ina sa kabilang linya. "Sige, subukan mo lang talaga akong lokohin. Alam mo, ikaw sobra na ang sakit ng ulo ko sa'yo. Nagpadala ako ng bodyguards 'dyan at sila ang susundo sa'yo." gigil na sabi nito at binabaan siya ng tawag.
Natatawang nailing nalang siya sa inakto ng i
