LITERAL NA nakita ni Isabelle ang pagnganga ni Layla at Tomas. Lihim naman siyang nagdiwang dahil alam niyang nabigla niya ang mga ito.
Dramatikong ibinaba niya ang suot na shades ng salamin at tinanggal ang sumbrero. Tinanggal niya rin ang face mask niya. Bumungad sa paningin ng mga ito ang magandang mukha niya.
Nanginig si Layla at parang tinakasan ng kulay sa nakikita ngayon ng mga mata nito. "I-Isabelle...?"
Kunwari nagtunog namimiss niya ito. "Ako nga ho inay..."
Sandali lang itong nagisip at maya-maya pa'y napangisi.
"Aba, mantakin mo nga naman. Sino bang magaakala na ang batang binenta ko sa casa eh ganyan na ngayon? Infairness, mukha kang mayaman at hindi kita nakilala. Magpasalamat ka saakin dahil kung hindi kita binenta wala kang mga damit na ganyan at hindi ganyan kagarbo
