NANLAKI ANG mga mata ni Isabelle nang makita ang pares na pamilyar na mga mata. Ah, paano niya nga ba ito malilimutan? Kung sa tuwina'y ang mga nagbabagang mga titig nito na tila apoy na sumusunog sa mga balat niya ang ibinibigay nito?
Napalunok siya at napaiwas ng titig. Bakit kahit wala naman siyang ginagawa o nila ni Troy, pakiramdam niya ay tila asawa siyang nagtataksil dito? What the heck is her problem? Bakit kailangan niyang maramdaman ito?
"Isabelle," isang pagbigkas pa lamang nito sa pangalan niya ay halos manginig na ang buong kalamnan niya.
Bumaba ang tingin nito sa mga braso ni Troy na nakapulupot sa bewang niya. Nabasa niya roon ang paghihinanakit at pagdilim ng anyo. Tila hindi nito nagugustuhan ang nakikita.
Napakunot- noo naman si Troy.
"Isabelle? Kilala mo ba kung si
