Nikay's POV
"Boyfie? P-paano mo nalaman 'yon?" mahinang tanong ko sa kanya habang banayad kaming nagsasayaw at sumasabay sa background music. Ang pareho kong kamay ay nakalagay sa kanyang dibdib habang ang dalawa naman niyang braso ay nasa magkabila kong baywang.
"Ang alin?" mahina niya ring tanong habang nakatitig sa akin. Naiilang ako at napapakagat-labi sa uri ng pagtitig niya. Para akong matutunaw. Enebe!
"Ahm, 'y-yong monthsary? P-paano mo nalaman 'yon? Pang-ilan ba 'ko sa mga naging g-girlfriend mo? Para kasing sanay na sanay ka na eh," nakanguso kong tanong sa kanya.
Nangiti naman siya sa akin habang nakatitig pa rin ng malagkit.
"Ikaw pa lang."
"Eh?" sagot kong di makapaniwala.
"Yeah. Why?"
"Ako pa lang? Sa guwapo mong 'yan?" Lumawak ang pagkakangiti niya sa akin.
"I know
