TWELVE YEARS AGO
LIAM's POV
"Ugh!" mahinang daing ko sa sakit na naramdaman ko sa loob ng aking balat nang muli nilang ibaon sa akin ang hiringgilyang naglalaman ng gamot.
Ang sabi nila ay gamot daw iyon na pampalakas. Kada tatlong buwan ay ginagawa nila ito sa akin simula pa noong maliit pa ako.
Bata pa lang ako ay sinasanay na ako ni tatay Enying sa ilog ng mga kung ano-anong ensayo.
Ang kauna-unahan niyang itinuro sa akin ay ang paglangoy na madali ko lang natutunan. Ang sunod ay ang pagtakbo ng mabilis, pagbalanse ng katawan gamit lang ang isang daliri sa paa. Paglalakad ng patiwarik na habang tumatagal ay patakbo ko na ring ginagawa.
Pag-akyat sa bundok gamit lang ang mga bagin. Pag-akyat sa mga matataas na puno ngunit ang daraanan ko lang ay ang maliliit lang na sanga ng punon
